নিউজ ডেস্ক, 11 চেপ্তেম্বৰঃ অসম্ভৱকো সম্ভৱ কৰি তোলা কেৰালাৰ এগৰাকী তেৰ বছৰীয়া কিশোৰ ৷ মাত্ৰ তেৰ বছৰ বয়সতে কন্যাকুমাৰীৰ পৰা চাইকেল চলাই গৈ উপস্থিত হয় কাশ্মীৰত ৷ লক্ষ্য এটাই গীনিজ ৱৰ্ল্ড ৰেকৰ্ডছত নিজৰ নাম সংযোজন কৰা ৷ দীৰ্ঘ দুৰত্বৰ চাইকেল যাত্ৰাত 15 বছৰ বয়সৰ শাখাত এই অভিলেখ স্থাপন কৰিবলৈ সক্ষম হৈছে কিশোৰজনে ৷
কেৰালাৰ পালাক্কাড় জিলাৰ চিত্তুৰৰ বাসিন্দা কিশোৰজনে সৰ্বমুঠ 4185 কিলোমিটাৰ চাইকেলেৰে যাত্ৰা কৰিব ৷ চলিত বৰ্ষৰ জুলাই মাহৰ 10 তাৰিখে আৰম্ভ কৰা এই যাত্ৰাই আজি 30 দিন সম্পন্ন কৰে আৰু কিশোৰজনে সৰ্বাধিক 4000 কিলোমিটাৰ যাত্ৰাপথ অতিক্ৰম কৰে ৷
বৰ্তমানে ৱাঘা সীমান্তত উপস্থিত হোৱা অজিত কৃষ্ণাক দেশৰ গৃহমন্ত্ৰালয়ে শুভেচ্ছা প্ৰদান কৰে ৷ ৱাঘা সীমান্তত উপস্থিত হোৱা অজিত কৃষ্ণাক বি এছ এফৰ তৰফৰ পৰাও বিশেষ সন্মান প্ৰদান কৰা হয় ৷ চিত্তুৰ গাঁৱৰ প্ৰনেশ ৰাজেন্দ্ৰন আৰু অৰ্চনা গীতাৰ পুত্ৰ অজিত কৃষ্ণাৰ এই যাত্ৰাক সকলোৱে উৎসাহ প্ৰদান কৰাৰ লগতে বহুতেই সহযোগ কৰে ৷
