নিউজ ডেস্ক, 30 ডিচেম্বৰঃ হিমাচলৰ প্ৰদেশৰ লাহোল স্পীতিত স্তব্ধ হৈ পৰিছে স্বাভাৱিক জনজীৱন ৷ তাপমাত্ৰা -30 ডিগ্ৰীলৈ হ্ৰাস পোৱাত লাহোলবাসীয়ে সন্মুখীন হৈছে বিভিন্ন সমস্যাৰ ৷ প্ৰচণ্ড ঠাণ্ডাৰ প্ৰকোপৰ বাবেই নদী আৰু জলপ্ৰপাতৰ পানী বৰফলৈ ৰূপান্তৰ হৈছে ৷
উল্লেখ্য যে, লাহোল ঘাটীত নিশাৰ ভাগত তাপমাত্ৰা -30 ডিগ্ৰীলৈ হ্ৰাস পোৱাৰ বিপৰীতে উপমণ্ডল কাজাত দিনৰ ভাগত -18 ডিগ্ৰী হ্ৰাস পোৱাত স্থানীয় বাসিন্দাৰ কৰ্মক্ষেত্ৰৰ লগতে খাদ্য যোগানতো প্ৰভাৱ পৰিছে ৷
আনহাতে, -30 ডিগ্ৰীলৈ তাপমাত্ৰা হ্ৰাস পোৱা বাবেই সকলো প্ৰকাৰৰ পানী বৰফলৈ জমা হৈছে ৷ যাৰ বাবে অঞ্চলবাসীয়ে বৰফ গলাই পানী ব্যৱহাৰযোগ্য কৰি তুলিছে ৷ বতৰ বিভাগ জনোৱা অনুসৰি, আগন্তুক দিনত লাহোল স্পীতিত ধাৰাবাহিক বৰষুণৰ লগতে তুষাৰপাত পৰাৰ সম্ভৱনা থকা বুলি মন্তব্য কৰে ৷
আৰু পঢ়কঃ জেপি চৰকাৰক সৰ্বত্ৰে বহিষ্কাৰৰ আহ্বান মমতা বেনাৰ্জীৰ
