নেশ্যনেল ডেস্ক, 18 ফেব্ৰুৱাৰীঃ বৃহস্পতিবাৰে অৰুণাচল প্ৰদেশৰ ইটানগৰত অনুষ্ঠিত হ’বলগীয়া 34 সংখ্যক ৰাজ্যিক প্ৰতিষ্ঠা দিৱসৰ অনুষ্ঠানত অংশগ্ৰহণ কৰিব দেশৰ গৃহমন্ত্ৰী অমিত শ্বাহে ৷ এই অনুষ্ঠানতে প্ৰদেশখনৰ উদ্যোগ তথা যাতায়ত সম্পৰ্কীয় বিভিন্ন প্ৰকল্পৰ ঘোষণা কৰাৰ সম্ভাৱনাৰ কথা ব্যক্ত কৰে গৃহমন্ত্ৰালয় দপ্তৰে ৷ ইয়াৰোপৰি তেওঁ অৰুণাচল আৰক্ষীৰ নতুন সদৰৰ নিৰ্মাণৰ শুভাৰম্ভণি কৰাৰ কথাও ব্যক্ত কৰে গৃহমন্ত্ৰালয় দপ্তৰে ৷
আনহাতে গৃহমন্ত্ৰী অমিত শ্বাহে অৰুণাচল প্ৰদেশৰ উদ্যোগিক বিনিয়োগ নীতি 2020 আৰু জ’ৰাম কল’ৰিয়াংগ ঘাইপথৰ শুভাৰম্ভণি কৰিব ৷ ব’ৰ্ডাৰ ৰোড সংস্থাই এই ঘাইপথটো নিৰ্মাণ কৰা বুলিও উল্লেখ কৰে ৷ অৰুণাচল প্ৰদেশৰ প্ৰতিনিধি তথা কেন্দ্ৰীয় ক্ৰীড়ামন্ত্ৰী কিৰেণ ৰিজিজুয়েও এই ৰাজ্যিক প্ৰতিষ্ঠা দিৱস অনুষ্ঠানত অংশগ্ৰহণ কৰিব ৷
উল্লেখ্য যে 20 ফেব্ৰুৱাৰী 1987 চনত অৰুণাচল প্ৰদেশে এখন সম্পূৰ্ণ পৃথক ৰাজ্যৰূপে প্ৰতিষ্ঠা লাভ কৰিছিল ৷ আনহাতে 1972 চনলৈ অৰুণাচল প্ৰদেশক নৰ্থ ইষ্টাৰ্ণ ফ্ৰন্টিয়াৰ এজেঞ্চি হিচাপে জনা গৈছিল ৷
আৰু পঢ়কঃইটিভি ভাৰতলৈ দক্ষিণ এছিয়া ডিজিটেল মিডিয়াৰ সৰ্বশ্ৰেষ্ঠ ডিজিটেল নিউজ ষ্টাৰ্ট আপ বঁটা
