নিৰ্ভয়া ধৰ্ষণ কাণ্ডঃ দোষী পৱন কুমাৰ গুপ্তাৰ আৱেদন খাৰিজ উচ্চতম ন্যায়ালয়ৰ

সোমবাৰে নিৰ্ভয়া ধৰ্ষণ কাণ্ডৰ দোষী পৱন কুমাৰ গুপ্তাৰ অপৰাধ সংঘটিত কৰাৰ সময়ত কিশোৰ হোৱাৰ দাবীক নাকচ কৰে উচ্চতম ন্যায়ালয়ে ৷ তিনিজনীয়া ন্যায়াধীশৰ দল এটাই গ্ৰহণ কৰে এই সিদ্ধান্ত ৷

নেশ্যনেল ডেস্ক, 20 জানুৱাৰীঃ নিৰ্ভয়া ধৰ্ষণ কাণ্ড তথা হত্যাকাণ্ডৰ দোষীৰ এজন অন্যতম অপৰাধী পৱন কুমাৰ গুপ্তাৰ কিশোৰ হোৱাৰ দাবীক নাকচ কৰে উচ্চতম ন্যায়ালয়ে ৷ সোমবাৰে উচ্চতম ন্যায়ালয়ে দিল্লী উচ্চ ন্যায়ালয়ৰ ৰায়ক প্ৰত্যাহ্বান জনাই ক্ষমাদানৰ আবেদনক নাকচ কৰে ৷

ন্যায়াধীশ আৰ. বানুমতি, অশোক বুশান আৰু এ.এচ বোপান্নাই নিজৰ স্থিতিত অটল থাকি দোষী পৱন কুমাৰ গুপ্তাৰ কিশোৰ হোৱাৰ দাবীৰ আবেদনৰ সম্পৰ্কত শুনানি গ্ৰহণ কৰি সেই আবেদন নাকচ কৰে ৷

উল্লেখ্য যে, দিল্লীৰ এটা ন্যায়ালয়ে যোৱা শুকুৰবাৰে নিৰ্ভয়া ধৰ্ষণ কাণ্ডৰ চাৰি অভিযুক্ত বিনয় শৰ্মা(26), মুকেশ কুমাৰ (32), অক্ষয় কুমাৰ সিংহ (31) আৰু পৱন (25) ৰ বিৰুদ্ধে অহা 1 ফেব্ৰুৱাৰীত মৃত্যুদণ্ড প্ৰদান কৰাৰ ৰায়দান কৰিছিল ৷ ইয়াৰোপৰি এই ধৰ্ষণ কাণ্ডৰ এক অন্যতম অভিযুক্ত মুকেশ কুমাৰৰ ক্ষমা আবেদন ৰাষ্ট্ৰপতি ৰামনাথ কোবিন্দে নাকচ কৰিছিল ৷

আনহাতে অধিবক্তা এ.পি সিংহৰ মাধ্যমেৰে পৱনে 16 ডিচেম্বৰ 2012 চনত অৰ্থাৎ অপৰাধৰ সময়ত নিজে কিশোৰ অৱস্থাত থকা বুলি দাবী কৰিছিল ৷ সেই আবেদনক প্ৰত্যাহ্বান জনাই উচ্চতম ন্যায়ালয়ে ক্ষমা আবেদন নাকচ কৰে ৷

আৰু পঢ়কঃভাৰতত চাবমেৰিনৰ পৰা নিক্ষেপ কৰিব পৰা বেলিষ্টিক ক্ষেপণাস্ত্ৰৰ সফল পৰীক্ষণ