নিউজ ডেস্ক, ১০জুলাই: এ আই ইউ ডি এফে ৰাজ্যৰ সীমা নিৰ্ধাৰণ প্ৰক্ৰিয়াৰ বিৰুদ্ধে দাখিল কৰা এখন আবেদনৰ ওপৰত ভিত্তি কৰি, দেশৰ মুখ্য ন্যায়াধীশ এচ এ ববডেৰ খণ্ড বিচাৰপীঠে নিৰ্দেশনাটোৰ জড়িয়তে, কেন্দ্ৰ আৰু ৰাজ্য চৰকাৰৰ পৰা বিচাৰিছে প্ৰতিক্ৰিয়া । উল্লেখ্য যে, অসমৰ সীমা নিৰ্ধাৰণ প্ৰক্ৰিয়াৰ বিৰুদ্ধে দাখিল হোৱা এইখনেই প্ৰথম আবেদন ।
ইয়াৰ পূৰ্বে শীৰ্ষ আদালতে চলিত বৰ্ষৰ মে' মাহত একে ধৰণৰ আন এক আবেদনৰ ভিত্তিত কেন্দ্ৰ আৰু ৰাজ্য চৰকাৰৰ পৰা বিচাৰিছিল প্ৰতিক্ৰিয়া ৷ য'ত ২০২১ চনৰ লোকপিয়ল সম্পূৰ্ণ নোহোৱা পৰ্যন্ত অসমৰ বিধানসভা আৰু সংসদীয় সমষ্টি সমূহৰ পৰিসীমা অধ্যয়নৰ কাম স্থগিত ৰাখিবলৈ কোৱা হৈছিল ।
মুখ্য ন্যায়াধীশ এচ এ ববডেৰ এই খণ্ড বিচাৰপীঠে চলিত বছৰৰ ২৮ ফেব্ৰুৱাৰীৰ অধ্যাদেশ বাতিল কৰিবৰ বাবে দিয়া আবেদনৰ শুনানিৰ বাবে সন্মতি দিয়ে ৷ যিটো ২০০৮ চনৰ ৮ ফেব্ৰুৱাৰীত পূৰ্বৰ এক অধিসূচনা প্ৰত্যাখ্যান কৰা হৈছিল য'ত অসমৰ সীমা নিৰ্ধাৰণৰ প্ৰক্ৰিয়া পিছুৱাই দিয়া হৈছিল ।
লগতে পঢ়কঃ ৰাজ্যত পুনৰ ক'ৰণাত মৃত্যু চাৰি গৰাকীৰ
