নিউজ ডেস্ক, 26 মেঃ দ্বিতীয়বাৰৰ বাবে দেশৰ প্ৰধানমন্ত্ৰী হিচাপে মনোনীত হোৱাৰ পিচতেই দেশৰ জনসাধাৰণৰ ইচ্ছা-আকাংক্ষা পূৰণ কৰিবলৈ সাজু বুলি উল্লেখ কৰে নৰেন্দ্ৰ মোডীয়ে ৷ দেশৰ শাসনৰ ভাৰ দখল কৰিয়ে জনসাধাৰণক ধন্যবাদ জ্ঞাপন কৰি এইদৰে উল্লেখ কৰে প্ৰধানমন্ত্ৰী মোডীয়ে ৷
আনহাতে বিকাশৰ নীতিক নতুন ৰূপত আগুৱাই নিবলৈ প্ৰধানমন্ত্ৰীগৰাকীয়ে সকলোৰে সহযোগিতা কামনা কৰিছে ৷ সংখ্যালঘু লোকৰ মনত বিৰোধীয়ে অনাহুত ভয়ৰ সৃষ্টি কৰিছে ৷ দেশৰ সংখ্যালঘুসকলক এইদৰেই প্ৰতাৰণা কৰি অহা হৈছে ৷ এইসকল লোকৰ জীৱন ধাৰা উন্নত কৰিবৰ বাবে কাম কৰিবলৈ সাজু বুলি উল্লেখ কৰে নৰেন্দ্ৰ মোডীয়ে ৷ আনহাতে বিগত বৰ্ষৰ তেঁওৰ উন্নয়নৰ নীতি সবকা সাথ সবকা বিকাশৰ সৈতে এইবাৰ নতুনকৈ যোগ কৰিছে সবকা বিশ্বাস ৷ অৰ্থাৎ এইবাৰৰ পৰা সবকা সাথ, সবকা বিকাশ, সবকা বিশ্বাস হ'ব নৰেন্দ্ৰ মোডীৰ নতুন কৰ্মনীতি ৷
