নিউজ ডেস্ক, ২৬ এপ্ৰিলঃ ৰাজ্য আৰু কেন্দ্ৰীয় শাসিত অঞ্চলসমূহক কোভিড-১৯ৰ ৰেপিড এন্টিবডি টেষ্টত ব্যৱহৃত সজুলিসমূহৰ ব্যৱহাৰ বন্ধ ৰাখিবলৈ কোৱা হৈছে । এইসমূহ সজুলিৰ মানদণ্ডৰ ওপৰত পুনৰীক্ষণৰ প্ৰয়োজন আছে বুলি ভাৰতীয় স্বাস্থ্য গৱেষণা পৰিষদে ইয়াক ৰখাই দিবলৈ কোৱা হৈছে। পূৰ্বেও আই চি এম আৰে এই এন্টিবডি টেষ্ট ৰখাই থ'বলৈ আহ্বান জনাইছিল কিয়নো ই প্ৰদান কৰা তথ্যসমূহ গুণগত নাছিল ।
শনিবাৰে কেন্দ্ৰীয় স্বাস্থ্যমন্ত্ৰী ডাঃ হৰ্ষবৰ্ধনৰ নেতৃত্বত অনুষ্ঠিত হোৱা কোভিড-১৯ সভাতো মন্ত্ৰীসকলৰ মাজত এই কথা আলোচনা হৈছিল ।
সূত্ৰই প্ৰকাশ কৰা অনুসৰি,চীনৰ পৰা অধিগ্ৰহণ কৰা এইসমূহ এন্টিবডি টেষ্ট কিট পুনৰীক্ষণৰ প্ৰয়োজন আছে বুলি আই চি এম আৰৰ দলে ইয়াৰ চোৱাচিতা কৰি আছে । ভাৰতে দুখনকৈ চীনা প্ৰতিষ্ঠানৰ পৰা প্ৰায় ৫ লাখ এন্টিবডি কিট অধিগ্ৰহণ কৰিছিল ।
চীনে প্ৰদান কৰা এন্টিবডি কিটসমূহৰ বিৰুদ্ধে পূৰ্বতে বহুকেইখন দেশেও অভিযোগ উত্থাপন কৰিছিল । চীনৰ এই দুখন প্ৰতিষ্ঠান (Wondfo Biotech আৰু Livzon Diagnostics) এ তেওঁলোকৰ সামগ্ৰীসমূহত কোনো অসুবিধা নাই বুলি কোৱাৰ লগতে ইয়াক স্বাস্থ্য কৰ্মীসকলে কিদৰে ব্যৱহাৰ কৰিছে তাৰ ওপৰত ওলোটাই প্ৰশ্ন উত্থাপন কৰিছিল ।
আই চি এম আৰে ৰেপিড টেষ্টক নিৰীক্ষণৰ বাবে ব্যৱহাৰ কৰা হ'ব,প্ৰাথমিক স্বাস্থ্য পৰীক্ষাৰ বাবে নহয় বুলি স্পষ্টীকৰণ দিছিল । আই চি এম এৰৰ মহামাৰী আৰু সংক্ৰমিত ৰোগৰ প্ৰধান ডাঃ ৰমণ গংগাখেড়কাৰে প্ৰকাশ কৰা অনুসৰি,ৰেপিড এন্টিবডি টেষ্টৰ পিচিআৰৰ দ্বাৰাই কোভিড-১৯ পজিটিভ হয় নে নহয় তাক জানিব পৰা যাব বুলি উল্লেখ কৰিছিল ।
প্ৰথম অৱস্থাত পশ্চিমবংগই এই কিটৰ বিৰুদ্ধে অভিযোগ উত্থাপন কৰিছিল । পৰৱৰ্তী পৰ্যায়ত আই চি এম আৰে ইয়াৰ গুণাগুণ তিনিখন অন্য ৰাজ্যৰ সৈতে পৰীক্ষা কৰিছিল ।
ডাঃ গংগাখেড়কাৰে প্ৰকাশ কৰা অনুসৰি, আঠখনকৈ আই এম চি আৰৰ এটা দলে এই কিটৰ শুদ্ধতা পৰীক্ষা কৰাৰ পিচতেই ৰাজ্য তথা কেন্দ্ৰীয় শাসিত অঞ্চলসমূহলৈ নিৰ্দেশনা আগবঢ়োৱা হ'ব ।
লগতে পঢ়কঃ COVID-19 আক্ৰান্ত হোৱা ইটিভি ভাৰতৰ সংবাদ দাতা এম মনিকান্দনৰ কথাৰে.....
