নিউজ ডেস্ক, ২৬ জুনঃ মহাৰাষ্ট্ৰৰ পুনেত ২৪ জুন তথা বুধবাৰে নিয়মীয়া তালিচী অভিযানত আৰক্ষীয়ে জব্দ কৰে প্ৰায় ৮৬৮ কিলোগ্ৰাম গাঞ্জা আৰু ৭.৫ কিলোগ্ৰাম "চৰচ" । জব্দ কৰা নিচাজাতীয় সামগ্ৰীৰ মূল্য প্ৰায় ২.১০ কোটি টকা হ'ব বুলি সদৰি কৰে আৰক্ষীয়ে । লগতে নিচাজাতীয় সামগ্ৰী খিনিৰ লগত দুখন বাহনত অহা চাৰিজন ব্যক্তিক আটক কৰে বুলিও বৃহস্পতিবাৰে এক বিবৃতিযোগে জানিবলৈ দিয়ে পুুনেৰ এগৰাকী আৰক্ষী বিষয়াই ।
বিবৃতিত সদৰি কৰা অনুসৰি, পুনেৰ শুক্ল বিভাগে অন্ধ্ৰ প্ৰদেশৰ পৰা মহাৰাষ্ট্ৰৰ বিভিন্ন স্থানত এই নিচাজাতীয় সামগ্ৰী উপলব্ধ বুলি গোপন সূত্ৰৰ তথ্যৰ ভিত্তিতে খবৰ লাভ কৰে। আৰু তাৰ পাচতে আৰক্ষীয়ে নলদুৰ্গ-ছোলাপুৰ ৰোডত তালাচী অভিযান চলাই জব্দ কৰিবলৈ সক্ষম হয় এই বৃহৎ পৰিমাণৰ নিচাজাতীয় সামগ্ৰীখিনি ।
লগতে পঢ়ক : ৰাজ্যত নেৰানেপেৰা বৰষুণ : দীঘলীপুখুৰীৰ পাৰত গছ পৰি পথ বন্ধ
