সংসদ ভৱনত শিশুৰে উমলিলে প্ৰধানমন্ত্ৰী মোদীয়ে

স্পেচিয়েল ফ্ৰেণ্ডৰ সৈতে মোডীৰ ফটো ৷ ভাইৰেল হ'ল ছ'চিয়েল মিডিয়াত

দিল্লী,24 জুলাই: মঙলবাৰে সংসদ ভৱনত প্ৰধানমন্ত্ৰী নৰেন্দ্ৰ মোডীৰ সৈতে দেখা গ'ল এজন নতুন আলহী ৷ প্ৰধানমন্ত্ৰীৰ কোলাত বহি উমলিছে এটি শিশু ৷ মঙলবাৰে ছ'চিয়েল মিডিয়াত এনে এখন ফটো ভাইৰেল হোৱা দেখা গ'ল ৷ দুখনকৈ ফটো প্ৰধানমন্ত্ৰীৰ নিজৰ ইনষ্টাগ্ৰাম একাউন্টত শ্বেয়াৰ কৰে ৷ ইয়াৰ পিচতে মূহুৰ্ততে ভাইৰেল হৈ পৰে ফটো দুখন ৷

শিশুটিৰ সৈতে উমলিছে মোডীয়ে ৷ ফটো দুখন পোষ্ট কৰি প্ৰধানমন্ত্ৰীয়ে তলত লিখিছে,'আজি সংসদলৈ এজন বিশেষ বন্ধু আমাক দেখা কৰিবলৈ আহিছে ৷'

জানিব পৰা অনুসৰি প্ৰধানমন্ত্ৰীৰ কোলাত থকা এই শিশুটি বি জে পি সাংসদ সত্যনাৰায়ণ জতিয়াৰ নাতিনী ৷ সংসদ ভৱনত প্ৰধানমন্ত্ৰী মোডীক সাক্ষাৎ কৰিবলৈ অহা অতিথিৰ মাজত আছিল এই শিশুটিও ৷ এই ফটো দুখনে ইতিমধ্যে পাচঁ লাখৰো অধিক লাইক পাইছে ৷ উল্লেখ্য যে মোডীৰ ইনষ্টাগ্ৰাম একাউন্টত অনুৰাগীৰ সংখ্যা বৰ্তমান আঢ়ৈ কোটিৰো অধিক ৷ কিন্তু তেওঁ কাকো ফ'ল' কৰা নাই এতিয়ালৈকে ৷