নিউজ ডেস্ক, 28 অক্টোবৰ : সমাগত বিহাৰৰ নিৰ্বাচনক কেন্দ্ৰ কৰি তুংগত উঠিছে দেশৰ ৰাজনীতি ৷ বিশেষকৈ ৰাষ্ট্ৰীয় দল কংগ্ৰেছ আৰু বিজেপিৰ মাজত সৃষ্টি হ'ব তুমুল প্ৰতিদ্বন্দিতা ৷ ইতিমধ্যে, প্ৰতিটো ৰাজনৈতিক দলে নিজৰ সমৰ্থিত প্ৰাৰ্থী বিজয়ী কৰাৰ স্বাৰ্থত নিৰ্বাচনী প্ৰচাৰ অব্যাহত ৰাখিছে ৷
বুধবাৰে পুনৰ বিহাৰৰ পশ্চিম চম্পাৰণ জিলাত কংগ্ৰেছ নেতা ৰাহুল গান্ধীয়ে নিৰ্বাচনী প্ৰচাৰ অভিযানত অংশগ্ৰহণ কৰি নেতা গৰাকীয়ে প্ৰধানমন্ত্ৰীক কটাক্ষ কৰি কয় যে,এইবাৰ হয়তো প্ৰধানমন্ত্ৰীয়ে 2 কোটি জনসাধাৰণক চাকৰি দিয়াৰ প্ৰসংগ উল্লেখ নকৰিব ৷ কিয়নো প্ৰধানমন্ত্ৰীৰ সেই যুক্তি মিছাত পৰিণত হৈছে ৷
তেওঁ আকৌ কয় যে,ইয়াৰ পূৰ্বেও প্ৰধানমন্ত্ৰীয়ে গৰাকীয়ে এনেকুৱা প্ৰতিশ্ৰুতি প্ৰদান কৰিছিল কিন্তু সময়ত সেয়া ফুটুকাৰ ফেনত পৰিণত হৈছে ৷ গতিকে এইবাৰ বিহাৰৰ জনসাধাৰণে প্ৰধানমন্ত্ৰীৰ এই মিছা প্ৰতিশ্ৰুতিক বিশ্বাস নকৰে বুলি উল্লেখ কৰে ৷
লগতে পঢ়ক : বিহাৰ বিধানসভা নিৰ্বাচনৰ প্ৰথম পৰ্যায়ৰ ভোটগ্ৰহণ আৰম্ভ
