নেশ্যনেল ডেস্ক, 3 জুলাই : আজি লেহত উপস্থিত হ'ল দেশৰ প্ৰধানমন্ত্ৰী নৰেন্দ্ৰ মোডী আৰু চীফ অৱ ডিফেন্স ষ্টাফ জেনেৰেল বিপিন ৰাৱট ৷ সূত্ৰৰ মতে, ইষ্টাৰ্ন লাডাখ চেক্টৰত বৰ্তমানৰ পৰিস্থিতি সম্পৰ্কত ৰাৱটে 15 কৰ্পছৰ পৰা তথ্য সংগ্ৰহ কৰিব ৷
প্ৰতিৰক্ষা মন্ত্ৰী ৰাজনাথ সিঙৰ লাডাখ ভ্ৰমণৰ দিন পুনৰ নিৰ্ধাৰণ কৰাৰ পাচতে জেনেৰেল ৰাৱটৰ ভ্ৰমণে বিশেষ গুৰুত্ব বহন কৰিছে ৷ চীনৰ বিৰুদ্ধে সীমান্তত সৈন্য মোতায়েন কৰাৰ পাচতে সেনাৰ শেহতীয়া প্ৰস্তুতি সম্পৰ্কত পৰ্যালোচনা কৰিবৰ বাবে ৰাজনাথ সিং আজি লাডাখত উপস্থিত হ'ব ৷
উল্লেখ্য যে, গলৱান উপত্যকাত চীনৰ সৈন্যৰে সংঘৰ্ষত ভাৰতৰ 20 গৰাকীকৈ সৈন্যই প্ৰাণ হেৰুৱাৰ পাচতে সীমান্তত উদ্বিগ্নতা বৃদ্ধি পাইছিল ৷ যোৱা মাহৰ পৰাই দুই দেশৰ শীৰ্ষ নেতৃবিন্দই সমস্যা সমাধানৰ বাবে আলোচনাত মিলিত হৈ আছে ৷
লগতে পঢ়ক : ৰাজস্থানৰ ছীকৰত শেষকৃত্য সম্পন্ন শ্বহীদ দীপচান্দ বাৰ্মাৰ
