ভূপাল, ১৭ মে': ভূপাল মানৱীয়তাৰ উৎকৃষ্ট নিদৰ্শন দাঙি ধৰিছে একাংশই । ভূপাল-গান্ধীনগৰ বাইপাছ ৰোডৰ পদপথত ৰাখি থোৱা হৈছে জোতা, চেণ্ডেল, কাপোৰকে ধৰি বিভিন্ন সামগ্ৰী । আচলতে, এই পথেৰে পাৰ হৈ যোৱা প্ৰৱাসী শ্ৰমিকক দিয়াৰ উদ্দেশ্যেই ৰাখি থোৱা হৈছে এই সামগ্ৰীসমূহ ।
উল্লেখ্য যে, লক্ ডাউনৰ মাজত বৃহৎ সংখ্য়ক শ্ৰমিক এই পথৰেই মহাৰাষ্ট্ৰৰ পৰা নিজ-নিজ গৃহ উত্তৰ প্ৰদেশ, বিহাৰলৈ বুলি প্ৰতি দিনাই পথৰে অহা যোৱা কৰি আছে । ইয়াৰ মাজৰ পৰাই তেওঁলোকৰ প্ৰয়োজন অনুসৰি সামগ্ৰীসমূহ বাছি ল'বলৈ এনেদৰে ৰাখি থোৱা হৈছে ।
এটা দলে এই প্ৰৱাসী শ্ৰমিকসকলক খাদ্য আৰু পানীৰ যোগানো প্ৰদান কৰি আহিছে । এই দলৰে এজন স্বেচ্ছাসেৱী আব্দুল ৰহমান জানিবলৈ দিয়ে যে, এই সকলোবোৰ ব্যৱস্থা জামাত-ই-ইছলামৰ তৰফৰ পৰা কৰা হৈছে । পুৱা ৯ বজাৰ পৰা নিশা ১২ বজালৈ প্ৰত্যক দিনাই এই পথৰে পাৰ হৈ যোৱা শ্ৰমিক সকলক খাদ্যৰ যোগান ধৰা হয় । ১৫-২০ জনীয়া এটা দল নিজৰ নিজৰ সময় অনুসৰি আহি খাদ্যৰ যোগান ধৰে । প্ৰত্যেক দিনাই প্ৰায় ১৫-২০ হাজাৰ লোকক খাদ্যৰ যোগান ধৰা হয় বুলি জানিবলৈ দিয়ে ৰহমানে ৷
