নিউজ ডেস্ক, 24 আগষ্টঃ দেশৰ প্ৰাক্তন বিত্তমন্ত্ৰী তথা জ্যেষ্ঠ বিজেপি নেতা অৰুণ জেটলীৰ মৃত্যুক লৈ শোকপ্ৰকাশ কৰিছে ৷ নতুন দিল্লীস্থিত সৰ্বভাৰতীয় আয়ুৰ্বিদ্যা প্ৰতিষ্ঠানত চিকিৎসাধীন হৈ থকা প্ৰাক্তন বিত্তমন্ত্ৰীগৰাকীয়ে শনিবাৰে দিনৰ ভাগত শেষ নিশ্বাস ত্যাগ কৰে ৷
অৱশেষত নিয়তিৰ ওচৰত হাৰ মানি ইহলীলা সম্বৰণ কৰে দেশৰ প্ৰাক্তন বিত্তমন্ত্ৰীগৰাকীয়ে ৷ বিত্তমন্ত্ৰীগৰাকীৰ মৃত্যুত শোকপ্ৰকাশ কৰে বিজেপিৰ নেতা তথা কেন্দ্ৰীয় মন্ত্ৰী নীতিন গাডকাৰীয়ে ৷
উল্লেখ্য যে, শ্বাস-প্ৰশ্বাসজনিত অসুবিধাৰ বাবে বিগত 9 আগষ্টত এইমছত ভৰ্তি কৰোৱা হৈছিল দেশৰ প্ৰাক্তন বিত্তমন্ত্ৰীগৰাকীক ৷ স্বাস্থ্যজনিত অসুবিধাৰ বাবেই বিগত লোকসভা নিৰ্বাচনত প্ৰতিদ্বন্দিতা কৰাৰ পৰাও বিৰত আছিল দেশৰ প্ৰাক্তন বিত্তমন্ত্ৰীগৰাকী ৷ আনহাতে লালকৃষ্ণ আদৱানীকে ধৰি ত্ৰিবেন্দ্ৰ সিং ৰাৱাট, উত্তৰ প্ৰদেশৰ ৰাজ্যপাল আনন্দীবেন পেটেল, বিহাৰৰ উপ-মুখ্যমন্ত্ৰী সুশীল কুমাৰ মোডী, দিল্লীৰ উপ-ৰাজ্যপাল অনিল বৈজল আৰু বিজেপি সাংসদ মেনকা গান্ধীৰ লগতে প্ৰাক্তন কেন্দ্ৰীয় মন্ত্ৰী উমা ভাৰতীয়ে এইমছত গৈ প্ৰাক্তন মন্ত্ৰীগৰাকীৰ স্বাস্থ্যৰ বুজ লৈছিল ৷ পৰৱৰ্তী সময়ত 10 আগষ্টৰ পৰাই এইমছে জেটলীৰ স্বাস্থ্য সন্দৰ্ভত কোনোধৰণৰ মন্তব্য কৰা নাছিল ৷
