নিউজ ডেস্ক, 4 এপ্ৰিলঃ শনিবাৰে গৃহ মন্ত্ৰণালয়ৰ এজন বিষয়াৰ মন্তব্য অনুসৰি বৰ্তমান পৰ্যন্ত প্ৰায় ২২,০০০ ব্যক্তিক তাবলিগী জমাতত অংশ গ্ৰহণ কৰা তথা তেওঁলোকৰ সংস্পৰ্শত অহা লোকক কোৱাৰেনটাইনত ৰখা হৈছে ।
কেন্দ্ৰীয় গৃহ মন্ত্ৰণালয়ৰ বিষয়া পুন্য শলিলা শ্ৰীবাস্তৱে সংবাদ মাধ্যমৰ আগত ব্যক্ত কৰে যে, কেন্দ্ৰীয় চৰকাৰে জমাতত অংশ গ্ৰহণ কৰা সদস্য আৰু তেওঁলোকৰ সংস্পৰ্শত অহা ব্যক্তি সকলৰ অনুসন্ধান চলাই আছে । গৃহ মন্ত্ৰণালয়ে ২৪ ঘণ্টাই লক ডাউন সম্বন্ধীয় সকলো ঘটনাৰ ওপৰত নজৰ ৰাখিছে । লগতে কয় National Disaster Response Force (NDRF) আৰু Central Armed Police Forcesৰো প্ৰায় ২০০ কৰ্মী অন্তৰ্ভুক্ত কৰা হৈছে ।
১৪ এপ্ৰিলত অন্ত পৰিব লগীয়া দেশজুৰি চলা লক ডাউন, কৰ'ণা ভাইৰাছ ৰোধৰ ক্ষেত্ৰত এক সঠিক সিদ্ধান্ত আছিল ।
আনহাতে, কেন্দ্ৰয়ী গৃহ সচিব অজয় ভল্লাই ৰাজ্য আৰু কেন্দ্ৰীয় শাষিত অঞ্চল সমূহত লক ডাউনৰ সময়ত যাতে কোনো ধৰণৰ অত্যাৱশ্যকীয় সামগ্ৰীৰ বাবে আইন ভংগ নহয় তাৰ বাবে নজৰ ৰাখিবলৈ পৰামৰ্শ আগবঢ়ায় ।
