নিউজ ডেস্ক, ৩০ মাৰ্চঃএইবছৰৰ আই পি এলৰ চৰ্চিত বিষয় "মানকাড" ব্যৱহাৰ কৰিছে কলিকতা ট্ৰেফিক পুলিচে । কলিকতাবাসীক যান জঁট সম্পৰ্কে সজাগ কৰি তোলাৰ প্ৰয়াসেৰে কলিকতা পুলিচৰ শেহতীয়া প্ৰচাৰ অভিযানত এই সৃষ্টিশীল পদ্ধতি ব্যৱহাৰ কৰা হয় । জ'ছ বাটলাৰৰ আউট হোৱা আৰু এখন গাড়ীয়ে ৰাস্তাৰসীমাৰেখা পাৰ হোৱাৰ ফ'টো সংযোজন কৰি এই প্ৰচাৰ অভিযান আৰম্ভ কৰে কলিকতা পুলিচে ।
উল্লেখ্য যে, মানকাড হৈছে এনে এটা পদ্ধতি যাৰ জৰিয়তে বলাৰজনে বল কৰাৰ সময়ত ক্ৰিজৰ পৰা বাহিৰ হৈ যোৱা নন ষ্ট্ৰাইকাৰ এণ্ডৰ বেট্ছমেন জনৰ ষ্টাম্প উফৰাই আউট কৰিবলৈ সক্ষম হয় ৷ সোমবাৰে অনুষ্ঠিত চতুৰ্থ খন আই পি এল মেচত পাঞ্জাৱ একাদশৰ অধিনায়ক আৰ. অশ্বিনে চাঞ্চল্য সৃষ্টিকাৰী "মানকাড" পদ্ধতিৰে ৰাজস্থান ৰয়েলছৰ জ'ছ বাটলাৰক আউট কৰিছিল ।
