নেশ্যনেল ডেস্ক, 16 অক্টোবৰ: তামিলনাডুৰ চালেম চৰকাৰী হাস্পতালত মৃত্যুক সাৱটি লৈছিল এগৰাকী 74 বৰ্ষীয় লোকে ৷ কিন্তু পৰৱৰ্তী সময়ত চিকিৎসালয় খনৰ মৰ্গত লোকগৰাকী জীৱিত অৱস্থাত পোৱা যায় বুলি উল্লেখ কৰে আৰক্ষীয়ে ৷
বালা সুব্ৰমনিয়াম কুমাৰ নামৰ এগৰাকী লোকক 12 অক্টোবৰত তেওঁৰ জ্যেষ্ঠ ভাতৃ সৰবননে দিয়া নিৰ্দেশ অনুসৰি কেবিনেটত ৰখা হৈছিল ৷ সৰবননে দাবী কৰা অনুসৰি, তেওঁৰ ভাতৃয়ে তেওঁৰ কান্ধানপাট্টীস্থিত বাসগৃহতে শেষ নিশ্বাস ত্যাগ কৰিছিল ৷
যেতিয়াই আন্দাৰটেকাৰ সকলে মৃতদেহটো ল'বলৈ আহে তেতিয়া দেখে যে, কেবিনেটৰ ভিতৰত তেওঁ লৰচৰ কৰি আছিল ৷ সৰবননে কয় যে, তেওঁৰ ভাতৃৰ আত্মাই শৰীৰ ত্যাগ কৰিবলৈ চেষ্টা কৰিছে যাৰ বাবে শৰীৰটোৱে লৰচৰ কৰি আছিল ৷
আন্দাৰটেকাৰ কেইগৰাকীয়ে আৰক্ষীক অৱগত কৰে আৰু স্বাস্থ্য বিভাগৰ বিষয়া মালাৰভিজিয়ে কৰা অনুসন্ধানত গম পোৱা যায় যে, বালাসুব্ৰমনিয়ামক এগৰাকী চিকিৎসাকে মৃত্যুৰ প্ৰমাণ পত্ৰ প্ৰদান কৰাৰ পাচত কেবিনেটত ৰখা হৈছিল ৷
আৰক্ষীয়ে সমগ্ৰ ঘটনা সন্দৰ্ভত অৱহেলা কৰাকে ধৰি দুটাকৈ ধাৰাৰ অধীনত সৰবনন, চিকিৎসালয় কৰ্তৃপক্ষ আৰু মৃত্যুৰ প্ৰমাণ পত্ৰ প্ৰদান কৰা চিকিৎকগৰাকীৰ বিৰুদ্ধে গোচৰ ৰুজু কৰে ৷
লগতে পঢ়ক: মহাৰাষ্ট্ৰৰ সোলাপুৰত প্ৰলয়ংকাৰী বানত ১৪জনৰ মৃত্যু