নেশ্যনেল ডেস্ক, 17 জুলাই : পশ্চিম বংগৰ বিজেপিৰ অধ্যক্ষ দিলীপ কুমাৰ ঘোষে বৃহস্পতিবাৰে কয় যে, মুখ্যমন্ত্ৰী মমতা বেনাৰ্জীয়ে এনে সময়ত কেন্দ্ৰ চৰকাৰ আৰু ৰাজ্যপালৰ বিৰুদ্ধে যুঁজ দিয়াত ব্যস্ত ৷ যিটো সময়ত তেওঁ যুঁজ দিব লাগিছিল COVID-19 মহামাৰীৰ বিৰুদ্ধে ৷
ঘোষে সংবাদ মাধ্যমক সম্বোধন কৰি কয়, "COVID-19 আৰু ঘূৰ্ণীবতাহ আমফানৰ ফলত সৃষ্টি হোৱা আতংকই পশ্চিম বংগত গভীৰ সংকটৰ সৃষ্টি কৰিছে ৷ জনসাধাৰণ ইয়াৰ দ্বাৰা যথেষ্ট প্ৰভাৱিত হৈছে ৷ যিসময়ত COVID-19ৰ বিৰুদ্ধে যুঁজ দিয়াৰ সময় আহি পৰিছে সেই সময়ত, মমতা বেনাৰ্জীয়ে ৰাজ্যপাল আৰু কেন্দ্ৰৰ বিৰুদ্ধে যুঁজি দি আছে ৷"
ইয়াৰোপৰি পশ্চিম বংগৰ বিজেপি অধ্যক্ষ গৰাকীয়ে অভিযোগ উত্থাপন কৰিছে যে, আৰক্ষীয়েও সমাজৰ লোকৰ বাবে কাম কৰাৰ বিপৰীতে তেওঁৰ দলৰ কৰ্মকৰ্তাসকলক অনুসৰণ কৰিবৰ বাবেহে কাম কৰি আছে ৷
তেওঁ কয়, "লোকৰ সেৱাৰ হকে কাম কৰিবলগীয়া ৰাজ্যৰ আৰক্ষীয়ে বিজেপিক অনুসৰণ কৰি আছে ৷ তেওঁ (মমতা বেনাৰ্জী)ৰ গুন্দা বাহিনীয়ে আমাৰ দলীয় কৰ্মকৰ্তাসকলক হত্যা কৰি আছে ৷ এগৰাকীও বিধায়ক সুৰক্ষিত নহয় ৷ মমতা বেনাৰ্জীয়ে আমাক বিফল কৰি দিছে ৷"
বৃহস্পতিবাৰৰ পূৰ্বে মুখ্যমন্ত্ৰী মমতা বেনাৰ্জীয়ে সকলো ৰাজনৈতিক দল আৰু বাণিজ্য সংস্থাক বিজেপি আৰু আৰু কেন্দ্ৰ চৰকাৰৰ বিৰুদ্ধে প্ৰতিবাদ সাব্যস্ত কৰিবলৈ আবেদন কৰে আৰু অভিযোগ কৰে যে, কেন্দ্ৰ চৰকাৰে COVID-19ৰ জৰিয়তে লাভ অৰ্জন কৰি আছে ৷
পশ্চিম বংগৰ মুখ্যমন্ত্ৰী মমতা বেনাৰ্জীয়ে বৃহস্পতিবাৰে ৰাজ্যাপাল জগদীপ ধনকাড়ক বিজেপিৰ মুখপাত্ৰ বুলি অভিযোগ উত্থাপন কৰিছিল ৷
ৰাজ্যপাল জগদীপ ধনকাড়ে বৃহস্পতিবাৰে কয়, "ৰাজ্যখনত শিক্ষা ব্যৱস্থা ৰাজনৈতিক মেৰপেছত বন্দী আৰু ৰাজনৈতিকভাৱেই ইয়াক নিয়ন্ত্ৰণ কৰি থকা হৈছে ৷" বুধবাৰে বিশ্ববিদ্যালয় সমূহৰ 23 গৰাকী উপাচাৰ্যই এক ভিডিঅ' কনফাৰেঞ্চত অংশগ্ৰহণ কৰাত বিফল হোৱাৰ পাচত এই মন্তব্য কৰা হৈছিল ৷
লগতে পঢ়ক: প্ৰাচীন তামিল গ্ৰন্থ 'তিৰুক্কুৰল' পঢ়াৰ বাবে প্ৰধানমন্ত্ৰীয়ে যুৱ প্ৰজন্মক জনালে আহ্বান
