নেশ্যনেল ডেস্ক, 15 এপ্ৰিল : কৰ'ণা ভাইৰাছৰ পৰা সফলতাৰে আৰোগ্য হৈ উঠাৰ পাচত মধ্য প্ৰদেশৰ শিৱপুৰী জিলাৰ এজন লোকে সামাজিক চাপৰ পৰিপ্ৰেক্ষিতত নিজৰ ঘৰ বিক্ৰী কৰিবলৈ সাজু হৈছে ৷ উল্লেখ্য় যে,সঠিক তথ্য আৰু জ্ঞানৰ অভাৱৰ বাবে এই ৰোগ সম্পৰ্কত দেশৰ বিভিন্ন অঞ্চলত বহুলোকে শংকাত দিন কটোৱাৰ লগতে কিছুলোকে আত্মহত্যাৰ পথ বাছি লোৱাৰো ঘটনা পোহৰলৈ আহিছে ৷ এনে এক ঘটনাৰ বলি হয় মধ্য প্ৰদেশত কৰ'ণা ভাইৰাছত আক্ৰান্ত হৈ আৰোগ্য হৈ উঠা এজন লোকে ৷
পুনৰ এনে সামাজিক কলংকৰ সন্মুখীন হোৱাৰ ভয়ত নিজৰ নাম প্ৰকাশ কৰিবলৈ অমান্তি হোৱা ৰাজ্যখনৰ এজন যুৱক আৰু তেওঁৰ পৰিয়ালে গালি-শপনি, সামাজিক ভেদভাৱ আৰু চুবুৰীয়াৰ দুৰ্ব্য়ৱহাৰৰ সন্মুখীন হ'বলগা হৈছে ৷ ইয়াৰ ফলত যুৱকজনে নিজৰ ঘৰ বিক্ৰী কৰিবলগা পৰিস্থিতিৰ উদ্ভৱ হয় ৷
যুৱকজনৰ লগতে তেওঁৰ পৰিয়ালে এই সামাজিক কলংকৰ পৰা মুক্ত হোৱাৰ উদ্দেশ্যে এই কঠিন সিদ্ধান্ত গ্ৰহণ কৰিবলগা হৈছে ৷ ইটিভি ভাৰতৰ সৈতে হোৱা সাক্ষাৎকাৰত যুৱকজনৰ পিতৃয়ে কয় যে,অচিনাক্ত লোকে সদায় নিশা তেওঁলোকৰ দুৱাৰত প্ৰচণ্ড শব্দ কৰি পলায়ন কৰাৰ লগতে গালি-শপনি পাৰি আহিছে ৷ ইয়াৰোপৰি,শাক-পাচলি আৰু গাখীৰ বেপাৰীকো তেওঁলোকক সামগ্ৰী প্ৰদান কৰাত বাধা আৰোপ কৰিছে চুবুৰীয়াই ৷
উল্লেখ্য যে,দেশৰ অন্য অঞ্চলতো এনে ধৰণৰ ঘটনাৰ তথ্য লাভ কৰা হৈছে ৷ আৰোগ্য হৈ উঠা লোক আৰু তেওঁলোকৰ পৰিয়ালেও চুবুৰীয়া তথা অন্য লোকৰ পৰা কটু কথা শুনিবলগা পৰিস্থিতিৰ সৃষ্টি হৈছে ৷
লগতে চাওকঃটীয়কৰ বিধায়িকা ৰেনুপমা ৰাজখোৱাৰ নেতৃত্বত চেনিটাইজেশ্যন
