নেশ্যনেল ডেস্ক, 18 এপ্ৰিল : শনিবাৰে Niti Aayog ৰ মুখ্য কাৰ্যবাহী সঞ্চালক অমিতাভ কান্তে মন্তব্য কৰে যে,কৰ'ণা ভাইৰাছৰ বাবে ঘোষণা কৰা লকডাউনৰ ফলত ভয়াৱহভাৱে বাধাগ্ৰস্ত হ'ল ভাৰতৰ যোগান ব্যৱস্থা ৷
'COVID-19 & The Future of Work' সম্পৰ্কত ভিডিঅ' কনফাৰেন্সিঙৰ জৰিয়তে কান্তে মন্তব্য় কৰে যে,মহামাৰীবিধে এক প্ৰত্যাহ্বানৰ সৃষ্টি কৰিলে আৰু এই প্ৰত্যাহ্বান জটিল আৰু অপ্ৰত্যাশিত ৷
আমি এক অশান্ত সময় পাৰ কৰি আছো ৷ আমাৰ যোগান ব্যৱস্থা ভয়াৱহভাৱে বাধাগ্ৰস্ত হৈছে - তেওঁ কয় ৷
উল্লেখ্য যে, কৰ'ণা ভাইৰাছ প্ৰতিৰোধৰ বাবে বৰ্তমান ভাৰতে 40 দিনীয়া লক ডাউন অনুসৰণ কৰি আছে ৷ বিশ্ব বেংকৰ ভাৰতীয় অধ্যক্ষ জুনেইদ কামালে মন্তব্য কৰিছে যে, উন্নয়নশীল দেশসমূহে কামৰ ধৰণত সলনি আনিব লাগিব ৷ তেওঁ কয়, "আয়ুস্মান ভাৰত এক ভাল আঁচনি আছিল যদিও অহা বৰ্ষসমূহত এইটো সুনিশ্চিত কৰাটো অনিবাৰ্য যে,ভাৰত ইয়াতকৈ আগবাঢ়ি যাওঁক ৷"
Team lease Chairman মনিশ সবৰৱালে কয়, "Work from homeৰ ফলত সকলোৱে ঘৰৰ পৰা দায়িত্ব পালন কৰিছে যদিও সকলোৱে গঠনমূলক চিন্তাধাৰা কৰা উচিত ৷" Hero Enterprise Chairman সুনিল মুঞ্জলে কয় যে, বিশ্বৰ যোগান ব্যৱস্থাক নিজৰ অধীন কৰিব পৰা ভাৰতৰ যোগ্যতা আছে ৷
মুঞ্জলে লগতে কয়, "COVID-19 সংকটৰ এই সময়ছোৱাত আমি অন্য বহু দেশৰ তুলনাত উৰ্ধত আছো ৷ আমাৰ অধিক বিচাৰ-বিবেচনা আৰু প্ৰতিভাক আকৰ্ষিত কৰাৰ ক্ষমতা আছে ৷"
