নিউজ ডেস্ক, 14 এপ্ৰিলঃ COVID-19 সংক্ৰমণ ৰোধৰ বাবে চৰকাৰে দিয়া লকডাউনত বিপদত পৰিছে বহু লোক । তেনে লোকক যিমান সম্ভৱ সহায়ৰ হাত আগবঢ়াইছে বিভিন্ন লোক তথা প্ৰশাসনে ।
কেৰালাৰ অত্যন্ত দুৰ্গম এলেকাৰ দৰিদ্ৰ লোকক অত্যাৱশ্যকীয় সামগ্ৰী বিলালে কেৰালা আৰক্ষীয়ে । ৱাইয়ানন্দ জিলাত বাস কৰা জনজাতীয় লোকসকলৰ মাজত বিতৰণ কৰে অত্যাৱশ্যকীয় সামগ্ৰী সমূহ ।
2018 আৰু 2019 চনৰ বানপানী আৰু ভূমিস্খনৰ ফলত পথৰ লগতে দলং ছিঙি যোৱাৰ ফলত অঞ্চলটোৰ যাতায়ত সাংঘাটিক ধৰণে দুৰ্গম হৈ পৰে । সকলোকে সহায় কৰিবলৈ আৰক্ষী সঞ্চালক প্ৰধানে দিয়া নিৰ্দেশনা মানি বিপদজনক নদী পাৰ হৈ ৱাইয়ানন্দৰ আৰক্ষী অধীক্ষকৰ নেতৃত্বত দলটোৱে গৈ লোক সকলকৰ মাজত খাদ্য তথা অত্যাৱশ্যকীয় সামগ্ৰী বিতৰণ কৰে ।
আৰক্ষী আৰু প্ৰশাসন বিভিন্ন গোটত ভাগ হৈ দুৰ্গম এলেকাত থকা জনজাতীয় অঞ্চল সমূহত আগবঢ়াই আছে সাহায্য ।
