নেশ্যনেল ডেস্ক, 11 মাৰ্চ : কংগ্ৰেছৰ অন্তৰ্ৱতীকালিন অধ্যক্ষা ছোনিয়া গান্ধীয়ে বুধবাৰে কৰ্ণাটক আৰু দিল্লীৰ নতুন সভাপতি নিযুক্ত কৰে ৷ কৰ্ণাটকৰ দলীয় মুৰব্বী হিচাপে ডি. কে. শিৱকুমাৰ আৰু দিল্লীৰ দলীয় মুৰব্বী হিচাপে অনিল চৌধাৰীক নিযুক্তি প্ৰদান কৰা হয় ৷
দুটাকৈ পৃথক বিবৃতিত কংগ্ৰেছৰ সাধাৰণ সম্পাদক কে. চি. বেনুগোপালে কয় যে, ছোনিয়া গান্ধীয়ে এই নিযুক্তি প্ৰদান কৰে ৷
ধন আত্মসাতৰ গোচৰত অভিযুক্ত হোৱা স্বত্তেও শিৱকুমাৰক নিযুক্তি প্ৰদান কৰাৰ লগতে কৰ্ণাটকৰ কাৰ্যকৰী সভাপতি হিচাপে নিযুক্তি প্ৰদান কৰা হয় ইশ্বৰ খান্দ্ৰে, সতীশ ঝাৰকিহোলী আৰু ছলীম আহাম্মদক ৷
আনহাতে, প্ৰাক্তন মুখ্যমন্ত্ৰী ছিদ্দাৰামায়াহে কংগ্ৰেছ দলৰ মুৰব্বী আৰু সদনত বিৰোধী দলৰ মুৰব্বী হিচাপেই দায়িত্বত থাকিব ৷
আনহাতে, দিল্লীত চৌধাৰীৰ উপৰি অভিষেক দত্ত, জয়কৃষণ, মুদিত আগৰৱাল, আলি হাছান আৰু শিৱানী চোপ্ৰাক দিল্লী কংগ্ৰেছৰ উপ সভাপতি হিচাপে নিযুক্ত কৰা হৈছে ৷
আৰু পঢ়ক : নিৰ্ভয়া কাণ্ড : আৰক্ষীৰ বিৰুদ্ধে গোচৰ ৰুজু অভিযুক্তৰ
