নতুন দিল্লী, 29 এপ্ৰিল: 'যদি চৰকাৰে বিচাৰিলে হেতেন, তেতিয়া জেট এয়াৰৱেছ ইমান ডাঙৰ এটা সমস্যাৰ সন্মুখীন নহলহেতেন' মহাৰাষ্ট্ৰৰ পালঘৰ জিলাত জেট এয়াৰৱেজৰ শইলেশ কুমাৰ সিং নামৰ এজন কৰ্মচাৰীয়ে আত্মহত্যা কৰাৰ পিছতেই বিজেপিক এনেদৰে কটাক্ষ কংগ্ৰেছৰ৷
শইলেশ কুমাৰ সিঙক শ্ৰদ্ধাঞ্জলী জ্ঞাপন কৰি তেওঁৰ পৰিয়ালবৰ্গৰ পৰি সমবেদনা জ্ঞাপন কৰে কংগ্ৰেছ চৰকাৰে৷ নিৰ্বাচনী প্ৰচাৰত চৰকাৰে হাজাৰ হাজাৰ কোটি টকা ব্যয় কৰিব পাৰে৷ কিন্তু এয়াৰলায়েন্সটোলৈ চৰকাৰে কোনো ধৰণৰ সহায় আগনবঢ়োৱাত ইয়াক চৰকাৰৰ চৰম ব্যৰ্থতা আখ্যা দি তীব্ৰ ভাষাৰে বিজেপি চৰকাৰক সমালোচনা কৰে কংগ্ৰেছ নেতা অভিষেক মনু সিঙৱিয়ে৷ চৰকাৰে কোনো বেংক, ব্যক্তিগত বা বাণিজ্যিক সংস্থাসমূহৰ জৰিয়তে ধ্বংসৰ পথত অগ্ৰসৰ হোৱা এয়াৰলায়েন্সটোক সহায় কৰাব নোৱাৰা বিষয়টো চৰকাৰৰ বাবে অতি লজ্জাৰ বিষয় বুলি প্ৰকাশ কৰিছে কংগ্ৰেছ চৰকাৰে৷ চৰকাৰে বিভিন্ন অজুহাত দেখুৱাই এই বিষয়টোৰ লগত তেওঁলোকৰ কোনো ধৰণৰ সম্বন্ধ নাই বুলি কোৱাতো যুগুত নহয় বুলি প্ৰকাশ কৰে কংগ্ৰেছ চৰকাৰে৷
যোৱা 3 বছৰে পেটৰ কেন্সাৰত ভুগী আছিল শইলেশ কুমাৰ সিং৷ কিন্তু জেট এয়াৰৱেজৰ বৰ্তমানৰ পৰিস্থিতিয়ে তেওঁক আত্মহত্যাৰ পথ বাছি লবলৈ বাধ্য কৰিলে৷
