নেশ্বনেল ডেস্ক,3 জানুৱাৰী : নাগৰিকত্ব সংশোধনী আইনৰ বিৰুদ্ধে দেশজুৰি ব্যাপক প্ৰতিবাদ অব্যাহত থকাৰ মাজতে বৃহস্পতিবাৰে দেশৰ আগশাৰীৰ উচ্চশিক্ষানুষ্ঠান জামিয়া মিলিয়া ইছলামিয়া বিশ্ববিদ্যালয়ৰ ছাত্ৰ ছাত্ৰী সকলে সাব্যস্ত কৰে অভিনৱ প্ৰতিবাদ ৷ বহু চিত্ৰ শিল্পীক লগত লৈ বিশ্ববিদ্যালয়ৰ বাহিৰৰ ৰাজপথত ছাত্ৰ ছাত্ৰী সকলে বিভিন্ন প্ৰতীকি চিত্ৰ অংকন কৰি এই বিতৰ্কিত বিধেয়ক খনৰ লগতে ৰাষ্ট্ৰীয় নাগৰিক পঞ্জী (NRC) ৰ বিৰোধিতা কৰে ৷ চিত্ৰৰ লগতে ছাত্ৰ ছাত্ৰী সকলে ৰাজপথত লিখি উলিয়াই "আপোনালোকে আমাৰ স্বাধীনতা ,বাক স্বাধীনতা, আৰু সত্যৰ ওপৰত কেতিয়াও 144 ধাৰা আৰোপ কৰিব নোৱাৰে" ৷ "NO NRC NO CAA " আদি বিভিন্ন শ্লোগান ৷
উল্লেখ্য যে লোক সভাৰ পাছত 2019 বৰ্ষৰ 12 ডিচেম্বৰ তাৰিখে বিধেয়ক খন ৰাজ্য সভাতো গৃহীত হোৱাৰ পাছৰে পৰা দেশজুৰি এই আইন খনৰ বিৰুদ্ধে দেশজুৰি আৰম্ভ হৈছিল ব্যাপক প্ৰতিবাদ ৷
