নিউজ ডেস্ক, ২৪ জুন : বুধবাৰে এক চৰকাৰী সূত্ৰই জনোৱা অনুসৰি, ভাৰত-তীব্বত সীমান্ত আৰক্ষীয়ে দিল্লীত এখন ১০ হাজাৰ বিচনাযুক্ত কোভিড-১৯ চিকিৎসালয় চোৱাচিতা কৰাৰ দায়িত্ব গ্ৰহণ কৰিছে ।
সীমান্ত সুৰক্ষা বাহিনীৰ এটা দলক উক্ত চিকিৎসালয়খন চোৱাচিতা কৰাৰ দায়িত্ব অৰ্পন কৰা হৈছে আৰু এই সম্পৰ্কত কেন্দ্ৰীয় চৰকাৰৰ সৈতে আলোচনা কৰা হৈছে ।
কেন্দ্ৰীয় গৃহমন্ত্ৰী অমিত শ্বাহে জনাই যে, চিকিৎসালয়খন চোৱাচিতা কৰাৰ দায়িত্ব ভাৰত-তীব্বত সীমান্ত আৰক্ষীক অৰ্পন কৰা হৈছে । উক্ত নিৰ্দেশ মৰ্মে সীমান্ত সুৰক্ষা বাহিনীয়ে দিল্লীৰ ৰাধা সীমা ব্যাস নামৰ কোভিড-১৯ চিকিৎসালয়খনত উপস্থিত হৈছে ।
আইটিবিপিৰ এজন সদস্যই জনাইছে যে, দিল্লী চৰকাৰৰ অনুৰোধ অনুসৰি, উক্ত কেন্দ্ৰটিত চিকিৎসক তথা অন্যন্যা সামগ্ৰী সমূহ সৰবৰাহ কৰাৰ ক্ষেত্ৰত স্বৰাষ্ট্ৰ মন্ত্ৰালয়ে আইটিবিপিক মনোনিত কৰিছে । লগতে, আশা কৰা হৈছে যে, ২৬ জুনৰ ভিতৰত পুনৰ ২ হাজাৰ কোভিড-১৯ ৰোগীক চিকিৎসা কৰাৰ সকলো সা-সুবিধা প্ৰকট হৈ উঠিব । চিকিৎসালয়খনত সৰ্বমুঠ বিচনাৰ ক্ষমতা ১০,২০০ খন হ'ব আৰু এইখনেই দেশৰ ৰাজধানীৰ সকলোতকৈ বৃহৎ চিকিৎসালয় হ'ব ।
তেওঁলোকে পুনৰ জনাই যে, আইটিবিপি, সীমান্ত সুৰক্ষা বাহিনী, ২ হাজাৰ চিকিৎসা কৰ্মচাৰী আৰু ১ হাজাৰ চিকিৎসা কৰ্মচাৰী চিকিৎসালয়খনত উপলব্ধ হ'ব ।
উল্লেখযোগ্য যে, আইটিবিপি দেশৰ প্ৰথমটো সংস্থা যিটোৱে প্ৰথম কোভিড ৰোগীৰ বাবে ১ হাজাৰ বিচনাৰ প্ৰস্তুত কৰিছিল ।
দিল্লীত কোভিড-১৯ ৰোগীৰ বৰ্ধিত হাৰৰ বাবে মুখ্যমন্ত্ৰী অৰবিন্দ কেজৰিৱালে গৃহমন্ত্ৰী অমিত শ্বাহক পত্ৰ লিখি কেন্দ্ৰটি স্থাপন কৰাৰ বাবে অনুৰোধ জনাইছিল ।
উল্লেখযোগ্য যে, উক্ত কেন্দ্ৰটিত কিছুদিন পূৰ্বে কৰ'ণা ভাইৰাছৰ বাবে চীন আৰু ইটালীৰ পৰা উভতি অহা লোকক চিকিৎসা কৰিছিল । কেন্দ্ৰক উক্ত সুবিধাৰ আধাৰতে চিকিৎসালয়খন স্থাপন কৰাৰ পোষকতা কৰিছে চৰকাৰে ।
লগতে পঢ়ক : ২২৯ গৰাকী যাত্ৰীক লৈ মেলবৰ্ণৰ পৰা ভাৰতলৈ ৰাওণা এয়াৰ ইণ্ডিয়াৰ বিশেষ বিমান
