নিউজ ডেস্ক, ১৮ জুন : সীমা বিবাদক কেন্দ্ৰ কৰি ভাৰত আৰু ৰঙা চীনৰ মাজত সৃষ্টি হোৱা সংঘৰ্ষৰ ফলস্বৰূপে বৃহস্পতিবাৰেও ভাৰতীয় আৰু চীনা সৈন্যৰ উচ্চ প্ৰদস্থ বিষয়া সকলৰ সৈতে লাডাখ অঞ্চলৰ গালৱান সীমান্তত দুয়োপক্ষৰ কথা-বাৰ্তা অব্যাহত আছে ।
এক চৰকাৰী সূত্ৰই জনোৱা অনুসৰি, মংগলবাৰ আৰু বুধবাৰেও উক্ত অঞ্চলত দুয়োপক্ষৰ মাজত বুজাবুজি সম্পন্ন হৈছে ।
সোমবাৰে গালৱান ঘাটিত সৃষ্টি হোৱা সংঘৰ্ষৰ ফলস্বৰূপে প্ৰধানমন্ত্ৰী নৰেন্দ্ৰ মোডীয়ে জনাই যে, ভাৰতে শান্তি বিচাৰে কিন্তু কোনোবাই আমাক জোকাই ল'লে আমিও উচিত প্ৰত্যুত্তৰ দিবলৈ সাজু । ১৯৬৭ চনত সীমা কেন্দ্ৰিক বিবাদৰ বাবে সৃষ্টি হোৱা সংঘৰ্ষৰ ফলত ভাৰতৰ ৮০ জন সৈন্য নিহত হৈছিল আৰু একে সময়তে চীনৰ ৩০০ সৈন্য নিহত হৈছিল ।
লগতে পঢ়ক : গ্ৰাম্য ভাৰতক সৱল কৰাৰ লক্ষ্যৰে শনিবাৰে প্ৰধানমন্ত্ৰী মোডীয়ে মুকলি কৰিব "গৰীব কল্যাণ ৰোজগাৰ অভিযান"
