নেশ্যনেল ডেস্ক, ১২ নৱেম্বৰ: ভাৰতত মাত্ৰ এটা দিনৰ ভিতৰত কৰ'ণা মহামাৰীৰ কবলত পৰিছে ৪৭,৯০৫ জন লোক। নতুনকৈ আক্ৰান্ত ৰোগীসহ সৈতে মুঠ আক্ৰান্তৰ সংখ্যা হৈছেগৈ ৮৬,৮৩,৯১৬ জন । এতিয়ালৈকে ৮০,৬৬,৫০১ গৰাকী লোক সুস্থ হৈ উঠিছে। কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ে বৃহস্পতিবাৰে প্ৰকাশ কৰিছে এই তথ্য। পুৱা ৮ বজাত প্ৰকাশিত তথ্য মতে, নতুনকৈ মৃত্যু হোৱা ৫৫০গৰাকী ৰোগীৰ সৈতে বৰ্তমানলৈকে মহামাৰীৰে যুঁজি ১,২৮,১২১ জন লোকে প্ৰাণ হেৰুৱাইছে ।
৮০,৬৬,৫০১ গৰাকী লোকৰ সৈতে ৰাষ্ট্ৰীয় আৰোগ্যৰ হাৰ ৯২.৮৯ শতাংশ হৈছে আৰু মহামাৰীত মৃত্যুৰ হাৰ ১.৪৮ শতাংশ হৈছে । ইণ্ডিয়ান কাউন্সিল অৱ মেডিকেল ৰিচাৰ্চৰ তথ্য অনুসৰি, বুধবাৰে ১১,৯৩,৩৫৮ গৰাকী লোকৰ নমুনা পৰীক্ষা কৰা হৈছে । মুঠ ১২,১৯,৬২,৫০৯ জনৰ নমুনা পৰীক্ষা কৰাৰ তথ্য দাঙি ধৰিছে ইণ্ডিয়ান কাউন্সিল অৱ মেডিকেল ৰিচাৰ্চে ।
লগতে পঢ়ক:ক'ভিশ্বিল্ডৰ তৃতীয় পৰ্যায়ৰ ক্লিনিকেল পৰীক্ষণৰ তালিকাভুক্তিকৰণ সম্পন্ন
