1. আজিৰ পৰা ভাৰতীয় নৌসেনাৰ কমাণ্ডাৰৰ 3 দিনীয়া আলোচনাচক্ৰ
দেশৰ শীৰ্ষ স্থানৰ নৌসেনাৰ কমাণ্ডাৰসকলে আজিৰ পৰা তিনিদিনীয়া আলোচনাচক্ৰত অংশগ্ৰহণ কৰিব ৷ লাডাখৰ ভাৰত-চীন সীমান্ত বিবাদ আৰু অঞ্চলটোৰ সুৰক্ষা আদি সম্পৰ্কত আলোচনা কৰা হ'ব ৷ যিকোনো পৰিস্থিতিৰ সন্মুখীন হ'ব পৰাকৈ ভাৰতীয় নৌসেনাৰ প্ৰস্তুতি আৰু এছিয়া মহাদেশত সুৰক্ষা সম্পৰ্কত ভাৰতৰ গুৰুত্বতা সম্পৰ্কতো আলোচনা কৰিব নৌসেনাৰ শীৰ্ষ কমাণ্ডাৰসকলে ৷
2. নৌসেনাৰ কমাণ্ডাৰৰ আলোচনাচক্ৰত সম্বোধন জনাব ৰাজনাথ সিঙে
প্ৰতিৰক্ষা মন্ত্ৰী ৰাজনাথ সিঙে আজিৰ পৰা আৰম্ভ হ'বলগা নৌসেনাৰ কমাণ্ডাৰৰ আলোচনাচক্ৰত সম্বোধন জনাব ৷ যিকোনো পৰিস্থিতিৰ সন্মুখীন হ'ব পৰাকৈ ভাৰতীয় নৌসেনাৰ প্ৰস্তুতি আৰু এছিয়া মহাদেশত সুৰক্ষা সম্পৰ্কত ভাৰতৰ গুৰুত্বতা সম্পৰ্কত এই অনুষ্ঠানত আলোচনা কৰা হ'ব ৷
3. ৰিয়া চক্ৰৱৰ্তীৰ আবেদনৰ আজি শুনানি গ্ৰহণ কৰিব উচ্চতম ন্যায়ালয়ে
পাটনাৰ পৰা মুম্বাইলৈ সুশান্ত সিং ৰাজপুতৰ মৃত্যুৰ গোচৰটো স্থানান্তৰিত কৰিবলৈ ৰিয়া চক্ৰৱৰ্তীয়ে কৰা আবেদনৰ আজি শুনানি গ্ৰহণ কৰিব উচ্চতম ন্যায়ালয়ে ৷ 11 আগষ্টৰ অন্তিম শুনানিত উচ্চতম ন্যায়ালয়ে নিজৰ ৰায়দান স্থগিত ৰখাৰ লগতে দুয়ো পক্ষকে গোচৰ সন্দৰ্ভত গুৰুত্বপূৰ্ণ তথ্য দাখিল কৰিবলৈ নিৰ্দেশ দিছিল ৷
4. অসামৰিক বিমান মন্ত্ৰণালয়ে বিমানবন্দৰক ব্যক্তিগতকৰণ সন্দৰ্ভত কেবিনেটৰ সন্মুখত প্ৰস্তাৱ ৰাখিব
অধিক সংখ্যক বিমানবন্দৰৰ ব্যক্তিগতকৰণৰ বাবে কেবিনেটৰ সন্মুখত আজি প্ৰস্তাব দাখিল কৰিব অসামৰিক বিমান মন্ত্ৰণালয়ে ৷ মঙলবাৰে এই সম্পৰ্কত ঘোষণা কৰিছিল অসামৰিক বিমান পৰিবহণ মন্ত্ৰী হৰদ্বীপ সিং পুৰীয়ে ৷
