নেশ্যনেল ডেস্ক, 22 জানুৱাৰীঃ প্ৰত্যেক বছৰে স্বাধীনতা দিৱসত দিল্লীৰ লালকিল্লা তথা গণৰাজ্য দিৱসত আকাশত উৰি থকা ৰাষ্ট্ৰীয় পতাকাখন ক’ত প্ৰস্তুত হয় আপুনি জানেনে ? বহুতে হয়তো নাজানে, এই পতাকা প্ৰস্তুত হোৱা ঠাইখনৰ নাম ৷ কৰ্ণাটকক হুবলীত প্ৰস্তুত কৰা হয় এই ৰাষ্ট্ৰীয় পতাকাখন ৷
কৰ্ণাটকৰ হুবলীৰ বগেৰীত অৱস্থিত কৰ্ণাটক খাদী গ্ৰামোদ্যোগ সংস্থা ভাৰতৰ ৰাষ্ট্ৰীয় পতাকা বনোৱা একমাত্ৰ বিআইএচ প্ৰমাণিত কেন্দ্ৰ ৷ যি হুবলীৰ বাবে এক গৌৰৱ ৷ ই দেশৰ সকলো ৰাজ্য তথা কেন্দ্ৰীয় শাসিত অঞ্চল চৰকাৰীভাৱে সামৰি লয় ৷
স্বাধীনতাৰ পিচত ৰাষ্ট্ৰীয় পতাকাৰ বাবে কাপোৰ ধাৰৱাড় জিলাৰ গৰ্গ গাঁৱৰ পৰা সকলো ৰাজ্যলৈ প্ৰেৰণ কৰে ৷ মুম্বাইৰ এটা কোম্পানীয়ে এই কাপোৰৰ ব্যৱহাৰ কৰে আৰু পতাকা প্ৰস্তুত কৰে ৷ ইয়াৰ পৰা সকলো ৰাজ্যলৈ প্ৰেৰণ কৰে ৷ কিন্তু 2004 চনত যেতিয়া বি.এচ পাটিল কৰ্ণাটক খাদী গ্ৰামোদ্যোগ সংস্থাৰ অধ্যক্ষ হয় তেতিয়া পতাকা প্ৰস্তুত কৰাৰ ক্ষেত্ৰত হুবলীৰ নাম বাঢ়িবলৈ ধৰে ৷ তেতিয়াৰ পৰাই কেকেজিএচএ বিআইএচৰ দ্বাৰা পতাকা প্ৰস্তুত কৰি আহিছে সমগ্ৰ দেশৰ বাবে ৷ পতাকাত অশোক চক্ৰৰ ক্ষেত্ৰত 15-18 বাৰ পৰ্যন্ত পৰীক্ষা কৰা হয় ৷
আনহাতে বছৰে বছৰে ইয়াৰ চাহিদা অধিক বৃদ্ধি হৈ আছে ৷ যোৱা বৰ্ষত 3 কোটি পতাকা বিক্ৰী কৰিছিল আৰু এই বৰ্ষত 3.5 কোটি টকা বিক্ৰী হোৱা বুলি জানিব পৰা গৈছে ৷ উল্লেখ্য যে ইয়াৰ কাম কৰা অধিক সংখ্যক কৰ্মচাৰী মহিলা ৷
