নিউজ ডেস্ক, 20 মে’: ভাৰতবৰ্ষৰ পূৱ প্ৰান্তীয় উপকূল অঞ্চলসমূহত বতৰ বিজ্ঞানীয়ে সাগৰীয় ঘূৰ্ণিবতাহ আম্ফান আগমণৰ আশংকা প্ৰকাশ কৰাৰ পিছতে দেশৰ পূৱ প্ৰান্তৰ অঞ্চলসমূহত ধুমুহা আৰু প্ৰচণ্ড বৃষ্টিপাত হোৱা পৰিলক্ষিত হয় ৷
পশ্চিম বংগৰ দক্ষিণ 24 পৰগনা জিলাৰ সাগৰ দ্বীপতো বুধবাৰে ৰাতিপুৱাৰ পৰা প্ৰচণ্ড বৃষ্টিপাত আৰু ঘূৰ্ণিবতাহ হোৱা পৰিলক্ষিত হয় ৷ লগতে জিলাখনৰ বিভিন্ন অঞ্চলত আম্ফানৰ প্ৰকোপৰ ফলত বৃষ্টিপাতে দেখা দিয়ে ৷
ইফালে পশ্চিম বংগৰ হুগলী জিলাত প্ৰচণ্ড বৰষুণৰ ফলত আম্ফানৰ আশংকা কৰা হৈছে ৷ কিয়নো জিলাখনত ঘূৰ্ণিবতাহো আৰম্ভ হৈছে ৷
আনহাতে, ৰাজ্যখনৰ পূৱ মেদিনীপুৰৰ দীঘা সাগৰীয় অঞ্চলত বুধবাৰে ৰাতিপুৱাৰে পৰা প্ৰচণ্ড বৃষ্টিপাতে আৰু দীঘা সাগৰীয় পাৰত সাগৰীয় জোৱাৰে খলকনিৰ সৃষ্টি কৰে ৷ এই জোৱাৰৰ বাবে দুৰ্যোগ ব্যৱস্থাপনা বিষয়া তথা অসামৰিক বাহিনীয়ে সকলো লোককে ঘৰৰ ভিতৰত থাকিবলৈ অনুৰোধ জনায় ৷
লগতে পঢ়ক: অ'লাৰ 1,400 কৰ্মচাৰীক চাকৰিৰ পৰা অব্যাহতি
