নিউজ ডেস্ক, ৫ জুনঃ বৰ্তমান পৰ্যন্ত সমগ্ৰ বিশ্বজুৰি মহামাৰী কৰ'ণা ভাইৰাছত আক্ৰান্ত হৈছে ৬৬,৬৭,০৫৮ জন লোক । আনহাতে, ভাইৰাছত আক্ৰান্ত হৈ ৩,৮৭,৮৯৯ জনৰো অধিক লোকৰ মৃত্যু হয় । লগতে ভাইৰাছত আক্ৰান্ত হোৱা লোকৰ ভিতৰত আৰোগ্য হৈছে ৩১,৬৪,২৫৩ জন ।
স্বাস্থ্য মন্ত্ৰণালয়ে বৃহস্পতিবাৰ সদৰী কৰে যে, বিগত ২৪ ঘণ্টাত ফ্ৰান্সত COVID-19 ত আক্ৰান্ত হৈ মৃত্যু হৈছে ৪৪ জন লোকৰ । যাৰ পৰিপ্ৰেক্ষিতত ৰাষ্ট্ৰখনত বৰ্তমান পৰ্যন্ত কৰ'ণাত আক্ৰান্ত হৈ মৃত্যু হোৱাৰ সংখ্যা ২৯,০৬৫ জনলৈ বৃদ্ধি পায় ।
আনহাতে, আমেৰিকা যুক্তৰাষ্ট্ৰ, ব্ৰিটেইন, ইটালী আৰু ব্ৰাজিলৰ পাচতে মহামাৰী COVID-19 ত আক্ৰান্ত তথা ভাইৰাছৰ দ্বাৰা ক্ষতিগ্ৰস্থ দেশসমূহৰ ভিতৰত পাঁচ নম্বৰত নাম অন্তৰ্ভুক্ত হৈছে ফ্ৰান্সৰ ।
ফ্ৰান্সে দেশখনৰ অৰ্থ ব্যৱস্থা পূৰ্বস্থিতিলৈ ঘূৰাই আনিবলৈ ২জুনৰ পৰা ৰাষ্ট্ৰখনৰ কেফে, ৰেষ্টুৰেণ্ট, বাৰ খুলিবলৈ অনুমতি প্ৰদান কৰে । সামাজিক দূৰত্ব তথা প্ৰশাসনে বান্ধি দিয়া নিয়মৰ মাজেৰে পুনৰ স্বাভাৱিক জীৱনৈ সকলো ঘূৰি আহিব বুলিও ঘোষণা কৰে ফ্ৰান্স প্ৰশাসনে ।
কিন্তু ৰাষ্ট্ৰখনত আগন্তুক ১৪ জুলাইত পেৰিছৰ চেম্পছ এলিচীজত অনুষ্ঠিত হ'বলগীয়া 'বেষ্টিল দিৱস'ত পৰম্পৰা সৈন্য পেৰেড বাতিল কৰা হয় বুলিও সদৰী কৰে ফ্ৰান্সে । COVID-19 ৰ প্ৰতি লক্ষ্য ৰাখিয়ে পৰম্পৰা সৈন্য পেৰেড বাতিল কৰা হৈছে বুলি বৃহস্পতিবাৰে মন্তব্য কৰে ফান্সৰ ৰাষ্ট্ৰপতিয়ে ।
