নিউজ ডেস্ক, ৩ জুনঃ বিশ্বজুৰি মহামাৰী কৰ'ণা ভাইৰাছত আক্ৰান্ত হৈছে ৬৪,৭৪,০৭৫ ৰো অধিক লোক । আৰু ভাইৰাছত আক্ৰান্ত হৈ মৃত্যু হৈছে ৩,৮১,৭১৮ গৰাকী ব্যক্তিৰ । তাৰোপৰি আৰোগ্য হৈছে ৩০,০৬,৮৩১ গৰাকী ।
আনহাতে, বুধবাৰে চীনত পুনৰ চাৰিজনৰ দেহত কৰ'ণাৰ উপস্থিতি লাভ কৰা বুলি সদৰী কৰে । আক্ৰান্ত সকলৰ ভিতৰত এজন বহিঃৰাষ্ট্ৰৰ পৰা অহা লগতে বাকী তিনিজন নিউক্লিক এছিড পৰীক্ষাত ধৰা পৰে বুলি জানিবলৈ দিয়ে । আনহাতে, দেশখনত কৰ'ণাত আক্ৰান্তৰ সংখ্যা হয়গৈ মুঠ ৮৩,০২১ গৰাকী । বিপৰীতে মৃত্যু হৈছে ৪,৬৩৪ গৰাকী ।
দক্ষিণ কোৰিয়াত বুধবাৰে ৪৯ জন নতুনকৈ ব্যক্তি কৰ'ণাত আক্ৰান্ত হয় বুলি সদৰী কৰে । তাৰোপৰি দেশখনত পুনৰ বিদ্যালয়সমূহ খোলাৰ সিদ্ধান্ত গ্ৰহণ কৰিছে বুলিও জানিবলৈ দিয়ে ।
স্পেইন মন্ত্ৰণালয় অনুসৰি, ১ জুনৰ পৰা বৰ্তমান পৰ্যন্ত ভাইৰাছত আক্ৰান্ত হৈ কোনো লোকৰ মৃত্যু হোৱা নাই । আনহাতে, বিগত ৭ দিনত দেশখনত কৰ'ণাত আক্ৰান্ত হৈ মুঠ ৩৪ জন লোকৰ মৃত্যু হয় বুলি সদৰি কৰে ।
তাৰোপৰি Korea Centers for Disease Control and Preventionৰ ঘোষণা অনুসৰি দেশখনত ইতিমধ্যে COVID-19 ত ১১,৫৯০ গৰাকী আক্ৰন্ত হোৱাৰ উপৰিও মৃত্যু হৈছে ২৭৩ গৰাকীৰ ।
