উত্তৰ প্ৰদেশ, 29 ছেপ্তেম্বৰঃ বিগত 14 ছেপ্তেম্বৰত উত্তৰ প্ৰদেশৰ হাথৰস গণধৰ্ষণৰ বলি হোৱা যুৱতীগৰাকীৰ দিল্লী সফদৰগঞ্জত মৃত্যু হয় ৷ চন্দপা থানাৰ অন্তৰ্গত দলিত সম্প্ৰদায়ৰ আছিল যুৱতী গৰাকী ৷ উল্লেখ্য যে, দলিত শ্ৰেণীৰ 19 বৰ্ষীয় যুৱতীগৰাকীক একে গাঁৱৰে ঠাকুৰ সমাজৰ চাৰিজন লোকে পথাৰলৈ নি ধৰ্ষণ কৰাৰ উপৰিও প্ৰাণে মৰাৰ চেষ্টা চলাইছিল ৷ ইয়াৰ উপৰিও যুৱতীগৰাকীৰ জিভা কাটি পেলায় ধৰ্ষণকাৰীসকলে ৷ যুৱতীগৰাকীক তাৎক্ষণিকভাৱে আলীগড় জে.এন হাস্পতালত ভৰ্তি কৰোৱা হৈছিল যদিও সোমবাৰে তেখেতক দিল্লীৰ সাফদৰগঞ্জলৈ প্ৰেৰণ কৰা হৈছিল ৷
মঙলবাৰে যুৱতীগৰাকীৰ মৃতদেহ নিজ বাসগৃহলৈ অনা হ’ব আৰু গাঁৱতেই তেখেতৰ অন্তিম সংস্কাৰ কৰা হ’ব বুলি পৰিয়ালৰ লোকে জানিবলৈ দিয়ে ৷
লগতে পঢ়ক-স্বাস্থ্য মন্ত্ৰণালয়ৰ জ্যেষ্ঠ বিষয়াৰে অমিত শ্বাহৰ পৰ্যালোচনা বৈঠক
