নিউজ ডেস্ক , ১৪ জানুৱাৰী : মাঘ বিহু তথা মকৰ সংক্ৰান্তিৰ শুভক্ষণত কৃষি আইনৰ বিৰুদ্ধে আৰু চৰকাৰৰ বিৰুদ্ধে প্ৰতিবাদ সাব্য়স্ত কৰা কৃষকসকলক বিশেষ শুভকামনা জনালে কংগ্ৰেছ নেতা ৰাহুল গান্ধীয়ে । দিল্লীৰ সীমান্তত প্ৰতিবাদ অব্য়াহত ৰখা কৃষকসকলক শুভকামনা জনাই তেওঁ কয় যে দেশৰ কৃষক-শ্ৰমিকসকলে শক্তিশালী বলৰ বিৰুদ্ধে নিজৰ অধিকাৰৰ বাবে যুঁজ দি আছে । এক বিশেষ টুইট যোগে শস্য় চপোৱা সময়ত দেশৰ ভিন্ন প্ৰান্তত পালন কৰা বৃহৎ উৎসৱটোৰ বাবে শুভকামনা দিয়াৰ লগতে কৃষকসকলক উদ্দেশ্য়ি বিশেষ শুভকামনা জনায় কংগ্ৰেছ নেতা গৰাকীয়ে ।
ইফালে কংগ্ৰেছ নেতা জন এক সভাত অংশগ্ৰহণৰ বাবে তামিলনাডুত উপস্থিত হয় লগতে পঙ্গাল উৎসৱত অংশ ল'ব কংগ্ৰেছ নেতা গৰাকীয়ে । পঙ্গাল উৎসৱৰ লগত সংগতি ৰাখি আয়োজিত মাদুৰাইৰ বিখ্য়াত জালিকটু উৎসৱত উপস্থিত থাকিব নেতাগৰাকী । নেতাগৰাকীয়ে পঙ্গালত অংশ লোৱাৰ কথা টুইটযোগে ঘোষণা কৰাৰ লগতে কৃষকসকলকো বিশেষ শুভকামনা জনোৱ দেখা গ'ল ।
উল্লেখ যে পঙ্গাল হ'ল শস্য় চপোৱাৰ সময়ত সূৰ্য দেৱতাৰ উদ্দেশ্য়ে উদযাপন কৰা এটা উৎসৱ ।
লগতে পঢ়ক :চীনৰ য়ুহান চহৰত "বিশ্ব স্বাস্থ্য় সংস্থা"ৰ বিশেষজ্ঞ দল
