নিউজ ডেস্ক, ১৫ জুনঃ নেপালৰ সশস্ত্ৰ আৰক্ষী বাহিনীয়ে আটক কৰা ভাৰতীয় নাগৰিক কিশোৰ লাগান সহ পৰিয়ালটোৰ সদস্য সকলক ১৩ জুন শনিবাৰে মুকলি কৰি দিয়া পাচতে বিহাৰৰ গৃহচহৰ ছিতামাৰহীত উপস্থিত হয় আটাইকেইজন । গৃহ চহৰত উপস্থিত হোৱা পাচতে পৰিয়ালটোক ৰাইফলৰ বটেৰে নেপাল আৰক্ষীয়ে আক্ৰমণ কৰাৰ কথা প্ৰকাশ কৰে ।
কিশোৰৰ মন্তব্য অনুসৰি, পত্নী আৰু পুত্ৰক লৈ নেপালৰ নাগৰিকক সীমাত লগ কৰিবলৈ যোৱাৰ সময়তে নেপাল আৰক্ষীয়ে গুলিবৰ্ষণ কৰে । সেই সময়তে আমাৰ পৰিয়ালটো ভাৰতৰ দিশে দৌৰিবলৈ চেষ্টা কৰো যদিও নেপাল আৰক্ষীয়ে আমাক আটক কৰি ৰাইফলেৰে মাৰিবলৈ আৰম্ভ কৰে । ইয়াৰ পাছতেই ভাৰত ভূমিৰে কিশোৰৰ পৰিয়ালটোক সংগ্ৰামপুৰলৈ লৈ যায় বুলি মন্তব্য কৰে ।
উল্লেখ্য যে, ১২ জুনৰ পুৱা নেপাল আৰক্ষীয়ে সীমান্তত নেপালৰ নাগৰিকক লগ কৰিবলৈ যোৱাৰ সময়তে আটক কৰিছিল কিশোৰ লাগানসহ পৰিয়ালটোক ।
