নিউজ ডেস্ক,১ আগষ্ট: এচিয়াৰ ১০০গৰাকী প্ৰসিদ্ধ খেল উপস্থাপকৰ ভিতৰত স্থান পোৱা এগৰাকী হৈছে পাকিস্তানৰ জেইনাব আব্বাচ । এই প্ৰসংগত মন্তব্য প্ৰকাশ কৰি জেইনাবে ক'লে অৱশ্যে মই কেতিয়াও এগৰাকী প্ৰতিষ্ঠিত খেল উপস্থাপকৰ খিতাপ পোৱাৰ কথা ভৱা নাছিলো । কিন্তু মোক এগৰাকী প্ৰসিদ্ধ খেল উপস্থাকৰ খিতাপেৰে সন্মানিত কৰাত গৌৰৱ বোধ কৰিছো। নিজৰ কামৰ বাবে এট সন্মান পোৱাতো সদায়েই আনন্দদায়ক হয় ।
৩২ বছৰীয়া জেইনাবে তেওঁৰ এই যাত্ৰাৰ কথা সুৱৰি কৈ গ'ল এনেদৰে,মই বিজ্ঞানত স্নাতকোত্তৰ কৰিছিলো । ইংলেণ্ডৰ কেটাৰপিলাৰ নামৰ এটা অভিযান্ত্ৰিক প্ৰতিষ্ঠানত এবছৰৰ বাবে মানৱ সম্পদ বিভাগত সমন্বয়কৰো কাম কৰিছিলো । তেতিয়াই অনুভৱ কৰিছিলো যে মই কৰ্পৰেটৰ চাকৰিৰ বাবে উপযুক্ত নহয় । ইংলেণ্ডত মোৰ ৱৰ্কিং ভিছাৰ ম্যাদ সমাপ্ত হোৱাৰ পিছতে সৌন্দৰ্যৰ ক্ষেত্ৰখনত কিবা এটা কৰাৰ চিন্তাৰে এই বিষয়ত কেইটামান আনুষ্ঠানিক শিক্ষাও লৈছিলো ।
ইয়াৰ মাজতে ২০১৪ চনত পাকিস্তানৰ এটা টেলিভিশ্যন চেনেলত অডিচন দিও । চেনেলটোৱে এখন নতুন মুখৰ সন্ধানত আছিল যদিও মোৰ অডিচনো ভাল হৈছিল । ইয়াৰ পিছতে চেনেল কৰ্তৃপক্ষই প্ৰথমে মোক মাত্ৰ এমাহৰ বাবে চুক্তিবদ্ধ কৰিছিল যদিও ইয়াক বৃদ্ধি কৰি পিছলৈ এবছৰ কৰিছিল ।
ভাৰত আৰু পাকিস্তানৰ দুয়োখন দেশৰ ঘৰুৱা লীগৰ পাৰ্থক্য দাঙি ধৰি জেইনাবে কলে,ইণ্ডিয়ান প্ৰিমিয়াম লীগ আৰু পাকিস্তান চুপাৰ লীগ দুয়োখন লীগেই সম্পূৰ্ণ পৃথক । সেয়েহে দুয়োখন লীগৰে এখন বেলেগ বজাৰ আৰু প্ৰশংসক আছে । মোৰ দৃষ্টিত ইণ্ডিয়ান প্ৰিমিয়াম লীগ বেটচমেনৰ ওপৰত নিৰ্ভৰশীল । একে ধৰণে পাকিস্তান চুপাৰ লীগ বলাৰৰ ওপৰত নিৰ্ভৰশীল ।
জেইনাবৰ লগত এটা ৰেপিড ফায়াৰ ৰাউণ্ড:
সৰ্বশ্ৰেষ্ঠ সাক্ষাৎকাৰ: ভিভিয়ান ৰিচাৰ্ড
ষ্টুডিঅ' নে ফিল্ড প্ৰীয় : ষ্টুডিঅ'
প্ৰিয় ভাৰতীয় অধিনায়ক: এম এচ ধোনী
প্ৰিয় ভাৰতীয় ক্ৰিকেটাৰ : বিৰাট ক'হলি
প্ৰিয় আইপিএল টিম : কলকাতা নাইট ৰাইডাৰ্ছ
প্ৰিয় খাদ্য: থাইখাদ্য
ক্ৰিকেটৰ অবিহনে অন্য খেল: টেনিচ
প্ৰিয় পাকিস্তানী ক্ৰিকেটাৰ: ৱাচিম আক্ৰাম
