নিউজ ডেস্ক, 13 ডিচেম্বৰ : ছাৰা কেলেংকাৰীত অভিযুক্ত হৈ কাৰাবাস কাটি থকা আৰু ৰিম্সত চিকিৎসালয়ত চিকিৎসাধীন হৈ থকা ৰাজনৈতিক লালু প্ৰসাদ যাদৱৰ স্বাস্থ্যৰ অৱস্থাক লৈ যিকোনো সময়ত জৰুৰীকালীন অৱস্থাৰ সৃষ্টি হ‘ব পাৰে ৷ এই কথা সদৰী কৰে লালু প্ৰসাদৰ চিকিৎসাৰ দায়িত্বত থকা চিকিৎসক ওমেশ প্ৰসাদে ৷
ডাঃ ওমেশ প্ৰসাদে কয় যে, শেহতীয়াকৈ নেতাগৰাকীৰ যি স্বাস্থ্য পৰীক্ষাৰ ৰিপ‘ৰ্ট আহিছে তাক চাই ক‘ব পাৰি যে, তেওৰ কিডনী 25 শতাংশহে কাৰ্যক্ষম হৈ আছে ৷ এই ক্ষেত্ৰত তেওঁক ডায়েলেছিচ কৰোৱাৰ প্ৰয়োজনীতা আহি পৰিব পাৰে ৷ এই সন্দৰ্ভত চিকিৎসক গৰাকীয়ে তেওঁৰ উৰ্ধতম কতৃপক্ষলৈ ৰিপ‘ৰ্ট প্ৰেৰণ কৰা বুলি মন্তব্য কৰিছে ৷
ইয়াৰোপৰি তেওঁ কয় যে, মধুমেহ হোৱাৰ বাবে লালু প্ৰসাদৰ কিডনীত প্ৰভাৱ পৰিছে ৷ মধুমেহ নিয়ন্ত্ৰণ কৰাৰ বাবে ইঞ্চুলিন দি থকা হৈছে ৷ কিন্তু তাৰ পাচতো কিডনীৰ কাম কৰাৰ ক্ষমতাত যথেষ্ট অৱনতি ঘটিছে ৷
লগতে পঢ়ক: কৃষক সকলৰ পক্ষত বটবৃক্ষ হৈ থিয় দিয়া কোন এই চৌধুৰী মহেন্দ্ৰ সিং টিকেইত ?
