নেশ্যনেল ডেস্ক,30 ডিচেম্বৰ: মঙলবাৰে সীমা শুল্ক বিভাগে চেন্নাই আন্তৰ্জাতিক বিমান বন্দৰৰ পৰা বৃহৎ পৰিমাণৰ সোণ জব্দ কৰে ৷ প্ৰায় 41,63 লাখ টকা মূল্যৰ 807 গ্ৰাম সোণ জব্দ কৰে সীমা শুল্ক বিভাগে ৷ ডুবাইৰ পৰা 4 গৰাকী যাত্ৰীয়ে কঢ়িয়াই আনিছিল এই বৃহৎ পৰিমানৰ সোণ খিনি ৷
সীমা শুল্ক বিভাগে এক টুইট যোগে কয় যে,200 টা চিগাৰেটৰ পেকেটৰ পৰা 807 গ্ৰাম সোণ জব্দ কৰাৰ লগতে 6.17 লাখ টকাৰ 4 টা ড্ৰোণ জব্দ কৰে ৷ ইয়াৰ পূৰ্বে 21 ডিচেম্বৰত ডুবাইৰ পৰা পাউদাৰৰ পেকেটত অনা 3 টা বাঘৰ দাঁত জব্দ কৰিছিল সীমা শুল্ক বিভাগে ৷
উল্লেখ্য যে,1 ডিচেম্বৰতো চেন্নাই আন্তৰ্জাতিক বিমান বন্দৰৰ পৰা 18.5 লাখ টকা মূল্যৰ সোণ আৰু বিদেশী মুদ্ৰা জব্দ কৰিছিল সীমা শুল্ক বিভাগে ৷
