নেশ্যনেল ডেস্ক, 18 ছেপ্তেম্বৰ: ভাৰতত কৰ'ণা আক্ৰান্তৰ সংখ্যাই 18 ছেপ্তেম্বৰৰ দিনটোলৈ 52 লক্ষাধিক অতিক্ৰম কৰিলে ৷ বিগত 24 ঘণ্টাত 96,424 গৰাকী লোকৰ দেহত নতুনকৈ পোৱা গৈছে কৰ'ণা ভাইৰাছৰ অৱস্থিতি ৷ কেন্দ্ৰীয় স্বাস্থ্য মন্ত্ৰণালয়ে প্ৰকাশ কৰে এই তথ্য ৷
ইয়াৰ লগে লগে সমগ্ৰ ভাৰতৰ্ষতে কৰ'ণা আক্ৰান্ত লোকৰ সংখ্য়া মুঠ 52,14,677 গৰাকী লোকলৈ বৃদ্ধি পায় ৷ লগতে দেশত এই মহামাৰীত আক্ৰান্ত হৈ মৃত্যু হোৱা লোকৰ সংখ্যাও বৃদ্ধি পায় 84,372 গৰাকীলৈ ৷ স্বাস্থ্য় মন্ত্ৰণালয়ৰ তথ্য অনুসৰি, বিগত 24 ঘণ্টাত ভাৰতত 1,174 গৰাকী লোকে মৃত্যুক সাৱটি লৈছে ৷
ভাৰতীয় চিকিৎসা গৱেষণা পৰিষদে উল্লেখ কৰা অনুসৰি, ভাৰতত বৰ্তমানলৈ 6,15,72,343 টা নমুনাৰ পৰীক্ষণ সম্পন্ন হৈছে ৷ আনহাতে 17 ছেপ্তেম্বৰত ভাৰতত 10,06,615 টা নমুনা পৰীক্ষা সম্পন্ন কৰা হৈছ ৷
