নিউজ ডেস্ক, ৯ মে' : বিশ্বজুৰি সন্ত্ৰাসৰ কাৰক হৈ পৰিছে কৰ'ণা ভাইৰাছ তথা COVID-১৯ মহামাৰী । ভাৰতবৰ্ষতো অব্যাহত আছে এই ভাইৰাছৰ বিভীষিকা । দেশত বৰ্তমান অব্যাহত আছে তৃতীয় পৰ্যায়ৰ লকডাউন । কিন্তু ইয়াৰ মাজতো দিনক-দিনে বৃদ্ধি পাইছে আক্ৰান্তৰ সংখ্যা । শনিবাৰে পুৱা ৮ বজালৈ ভাৰতবৰ্ষত মুঠ ৫৯,৬৬২ গৰাকী লোক আক্ৰান্ত হৈছে কৰ'ণা ভাইৰাছত । স্বাস্থ্য় মন্ত্ৰণালয়ৰ পৰা জাৰি কৰা তথ্যত প্ৰকাশ পাইছে এই পৰিসংখ্যা ।
স্বাস্থ্য মন্ত্ৰণালয় এই ৱেবচাইট অনুসৰি পুৱা ৮ বজা পৰ্যন্ত ৫৯,৬৬২ গৰাকী লোক আক্ৰান্ত হোৱাৰ তথ্য পঞ্জীয়নকৃত হোৱাৰ বিপৰীতে ১,৯৮১ গৰাকী লোকৰ মৃত্যু হোৱা বুলি প্ৰকাশ পাইছিল ।
অৱশ্য়ে পুৱা ১০ বজালৈ এই পৰিসংখ্যা বৃদ্ধি পাইছে-
- আক্ৰান্ত - ৫৯,৭৬৪ গৰাকী
- মৃত্যু- ১,৯৮৬ গৰাকী
- আৰোগ্য- ১৭,৮৯৭ গৰাকী
- সক্ৰিয় ঘটনা- ৩৯,৮৭৭ টা
ভাৰতৰ ভিতৰতেই আটাইতকৈ বেছি এই ভাইৰাছৰ দ্বাৰা প্ৰভাৱিত হোৱা ৰাজ্য দুখন হৈছে মহাৰাষ্ট্ৰ আৰু গুজৰাট । মহাৰাষ্ট্ৰত ১৯,০৬৩ টা ঘটনা পোহৰলৈ অহাৰ বিপৰীতে গুজৰাটত ধৰা পৰিছে ৭,৪০৩ টা আক্ৰান্তৰ ঘটনা ।
