নিউজ ডেস্ক, 20 মাৰ্চঃ সমগ্ৰ বিশ্বতে কালৰূপ ধাৰণ কৰা কৰ'ণা ভাইৰাছত বৰ্তমানলৈকে আক্ৰান্ত হৈছে 2 লাখ 65 হাজাৰ, 669 গৰাকী লোক ৷ তদুপৰি এই ভাইৰাছত আক্ৰান্ত হৈ মৃত্যু হৈছে 10 হাজাৰ 49 গৰাকী ব্যক্তিৰ ৷ আনহাতে, 88 হাজাৰ 441 গৰাকী ৰোগী ইতিমধ্যে আৰোগ্য হৈছে ৷
আনহাতে, ভাৰতত কৰ'ণা ভাইৰাছত আক্ৰান্ত হোৱা ৰোগীৰ সংখ্যা 197 জনলৈ বৃদ্ধি পাইছে ৷ আক্ৰান্ত সকলৰ ভিতৰত 165 গৰাকী ভাৰতীয় আৰু 32 গৰাকী বিদেশীমূলৰ লোক ৷ বৰ্তমানলৈ দেশত এই মহামাৰীত 5 জন লোকৰ মৃত্যু হোৱাৰ বিপৰীতে আৰোগ্য হৈছে 20 জন ব্যক্তি ৷
চীনৰ পাচতে ইটালীত অধিক ভয়াৱহ ৰূপ ধাৰণ কৰিছে কৰ'ণা ভাইৰাছে ৷ চীনত এই পৰ্যন্ত 80, 967 গৰাকী লোক এই ভাইৰাছত আক্ৰান্ত হোৱাৰ বিপৰীতে মৃত্যু হৈছে 3,2,48 গৰাকী লোকৰ ৷ আনহাতে, ইটালীত 41,035 গৰাকী লোক আক্ৰান্ত হোৱাৰ লগতে 3,405 গৰাকী লোকৰ মৃত্যু হৈছে ৷
তদুপৰি ইৰাণ আৰু স্পেইনতো 18 হাজাৰৰো অধিক লোক COVID - 19 ত আক্ৰান্ত হৈছে ৷ ইৰাণত এইপৰ্যন্ত 1,284 মৃত্যুমুখত পৰাৰ বিপৰীতে স্পেইনত মৃত্যু হৈছে 831 গৰাকী লোক ৷ উল্লেখ্য যে, সমগ্ৰ বিশ্বৰ প্ৰায় 180 খন দেশৰ লোক আক্ৰান্ত হৈছে COVID-19ত ৷
লগতে পঢ়কঃগুজৰাটত পোহৰলৈ আহিল তৃতীয়টো কৰ'ণা ভাইৰাছ সংক্ৰমণৰ ঘটনা
