নিউজ ডেস্ক, ২৫ মে': দেওবাৰে বিজেপিৰ নেতা জ্যোতিৰাদিত্য সিন্ধিয়া নিৰুদ্দেশ হৈ থকা আৰু নিৰুদ্দেশ সিন্ধিয়াক বিচাৰি উলিওৱাক ৫,১০০ টকা পুৰস্কাৰ দিয়া এক পোষ্টাৰৰ বাবে গ্ৰেপ্তাৰ কৰা হয় এজন কংগ্ৰেছী নেতাক । গ্ৰেপ্তাৰ হোৱা কংগ্ৰেছী নেতাগৰাকী হৈছে সিদ্ধাৰ্থ সিং ৰাজাৱাট ।
বিজেপি কৰ্মীৰ গোচৰৰ ভিত্তিতেই আৰক্ষীয়ে কংগ্ৰেছৰ নেতাগৰাকীক গ্ৰেপ্তাৰ কৰিবলৈ সক্ষম হয় । এই কামৰ সৈতে জড়িত অন্যান্য অপৰাধীকো বিচাৰি তদন্ত অব্য়াহত ৰাখিছে আৰক্ষীয়ে । এই কথা সদৰী কৰিছে ঝাঁচি ৰোড থানাৰ নগৰ আৰক্ষীৰ আৰক্ষী অধীক্ষক এম ৰজোৰিয়াই ।
উল্লেখ্য় যে, সিন্ধিয়াই শেহতীয়াকৈ ২২ গৰাকী বিধায়ক সহ কংগ্ৰেছৰ পৰা পদত্যাগ কৰি বিজেপিত যোগদান কৰিছিল । ফলস্বৰূপে যোৱা ২০ মাৰ্চত মধ্যপ্ৰদেশত কংগ্ৰেছৰ কমল নাথ চৰকাৰে হেৰুৱাবলগীয়া হৈছিল শাসনভাৰ । আনহাতে ২৩ মাৰ্চত মধ্য়প্ৰদেশত নতুন মুখ্যমন্ত্ৰী হিচাপে শপত গ্ৰহণ কৰিছিল বিজেপিৰ শিৱৰাজ সিং চৌহানে ।
