নিউজ ডেস্ক, ৩ এপ্ৰিলঃ বিশ্বব্যাপী ত্ৰাস সৃষ্টি কৰিছে COVID-19 য়ে । এই অপ্ৰতিৰোধ্য মহামাৰীৰ বাবেই শাৰিৰীক আৰু মানসিক উভয়ে জনসাধৰণৰ মাজত উদ্বেগ আৰু আতংকৰ সৃষ্টি কৰিছে । যাৰ পৰিপ্ৰেক্ষিতত শিশুসকলৰ মানসিক স্বাস্থ্য প্ৰতি অসচেতন হোৱা দেখা গৈছে ।
সেয়হে লক ডাউনৰ সময়ছোৱাত যেতিয়া আমি সকলো ঘৰত থকা হৈছে, তেতিয়া আমি আমাৰ শিশুসকলৰ ওপৰত নজৰ দিয়াটো আমাৰ মুখ্য ভূমিকা ।
National Institute of Mental Health and Neuro Sciences য়ে সেয়হে মাতৃ-পিতৃৰ বাবে কিছু পৰামৰ্শ আগবঢ়ায় । সেয়া হ'ল......
আপোনাৰ শিশুক আশ্বাস দিয়ক
আপোনাৰ শিশুক আশ্বাস প্ৰদান কৰক আৰু তেওঁলোকলৰ প্ৰশ্নৰ উত্তৰ দিয়াৰ লগতে মহামাৰী সম্বন্ধীয় সকলো বাৰ্তা দি থাকক । তেওঁলোকৰ সৈতে বেছি সময় অতিবাহিত কৰক ।
শিশু সকলক তেওঁলোকৰ বন্ধুৰ সৈতে ঘনিষ্ট ৰাখক
এইটো সময় ডিজিটেলৰ সময় । যাৰ বাবে শিশুসকলক ফোন কল তাৰপৰি ভিডিঅ' কলৰ জৰিয়তে তেওঁলোকৰ বন্ধু সকলৰ লগত সম্পৰ্ক ঘনিষ্ঠ কৰিবলৈ যত্ন লওঁক ।
শিশুসকলক সচেতন ৰাখক
শিশু সকলকে জনা উচিত যে, সমগ্ৰ বিশ্বজুৰি কি হৈ আছে । বহলাই নকলেও বিশ্বৰ সমগ্ৰ পৰিৱেশ সন্দৰ্ভত সম্যক জ্ঞান থকাটো প্ৰয়োজন । WHO, CDC, UNICEF ৰ ৱেবচাইটত অন্তৰ্ভুক্ত গ্ৰাফিক্স ব্যৱহাৰ কৰি পৰিৱেশ সম্বন্ধীয় তথ্য দিবলৈ প্ৰয়াস কৰক ।
তেওঁলোকৰ চিন্তাৰ যন্ত লওক
ঘৰত আবদ্ধ হৈ থকা বাবে শিশুসকলৰ মাজত নিশ্চয়কৈ চিন্তাই আগুৰি ধৰিব । যাৰ বাবে শিশুসকক এই পৰিস্থিতিৰ লগত সহজ কৰি দিবলৈ তেওঁলোকৰ লগত কথা পাতক ।
ঘৰত শিকাওক শিশুসকলক
লক ডাউনৰ বাবেই বন্ধ হৈ আছে বিদ্যালয়সমূহ । যাৰ বাবে শিশুসকলক ঘৰতেই পাঠ্যপুথি অধ্যয়ন কৰাবলৈ যন্ত কৰক। লগতে তেওঁলোকৰ মনোৰঞ্জনৰ বাবে সাধু শুনোৱাৰ উপৰিও খেল-ধেমালি কৰক । খেল-ধেমালিয়ে তেওঁলোকৰ মস্তিষ্ক সুস্থ কৰি ৰাখিব ।
সু-স্বাস্থ্য হৈ থকাটো জৰুৰী
আপোনালকৰ শিশুৰ সু-স্বাস্থ্য বাবে তেওঁলোকক যোগাভ্যাস, এৰোবিক্স, স্ত্ৰেটচিং উপৰিও ব্যায়াম কৰাবলৈ যন্ত কৰক । তেনে কৰিলে শিশু সকল ঘৰৰ ভিৰৰতে আবদ্ধ থাকিলেও তেওঁলোক সুস্থ হৈ থকাত সহায় কৰাৰ লগতে মানসিকভাৱেও সুস্থ থাকিব ।
