নেশ্যনেল ডেস্ক, ২১আগষ্ট : চন্দ্ৰৰ কক্ষপথত 1 বছৰৰ প্ৰদক্ষিণ সম্পূৰ্ণ কৰিলে ভাৰতৰ দ্বিতীয়খন মহাকাশযান 'চন্দ্ৰযান-2' য়ে । 2019 চনৰ 22 জুলাইত উৎক্ষেপন কৰা 'চন্দ্ৰযান-2' য়ে 2019 চনৰ বছৰৰে 20 আগষ্টত চন্দ্ৰৰ কক্ষপথত প্ৰৱেশ কৰিছিল । বৰ্তমানলৈকে বিশ্বৰ কোনো দেশে অৱতৰণ কৰিবলৈ সক্ষম নোহোৱা দক্ষিণ মেৰুত অৱতৰণৰ বাবে পঠোৱা হৈছিল 'চন্দ্ৰযান-2'।
কিন্তু শেষ সময়ত লেণ্ডাৰ বিক্ৰমৰ সৈতে যোগাযোগ বিচ্ছিন্ন হৈ পৰে চন্দ্ৰযানৰ। পিছে লেণ্ডাৰ বিক্ৰম বিফল হ'লেও চন্দ্ৰৰ কক্ষপথত স্থাপন কৰা হৈছিল 8 টা বৈজ্ঞানিক উপকৰণ। ISROৰ সূত্ৰই প্ৰকাশ কৰা মতে, সম্প্ৰতি আটাইকেইটা উপকৰণে সঠিকভাৱে কাম কৰি আছে। এটা বছৰ চন্দ্ৰৰ কক্ষপথত 4,400 ৰো অধিক বাৰ প্ৰদক্ষিণ কৰিছে 'চন্দ্ৰযান-2'য়ে । পৰ্যায়ক্ৰমিক কক্ষপথ ৰক্ষণাবেক্ষণ কৌশলৰ দ্বাৰা 100+/-25 কিল'মিটাৰ মেৰু কক্ষপথত ৰক্ষণাবেক্ষণ দিয়া হৈছে।
লগতে পঢ়ক : চলিত বৰ্ষত কেদাৰনাথৰ 'মোডী গুহা'ত নাই এজনো পৰ্যটক
