CAAৰ সন্দৰ্ভত এক ইঞ্চিও পিছুৱাই নাযায় বিজেপিঃ অমিত শ্বাহ

‘সংশোধিত নাগৰিকত্ব আইন সন্দৰ্ভত আগৰ স্থিতিত আমি অটল, কেনেও আমাক এক ইঞ্চিও বিচলিত কৰিব নোৱাৰে’ এইদৰে আকৌ এবাৰ নিজৰ স্থিতি স্পষ্ট কৰিলে অমিত শ্বাহে ৷

নেশ্যনেল ডেস্ক, 3 ডিচেম্বৰঃ দেশজুৰি উত্তাল কৰি ৰখা নাগৰিকত্ব সংশোধনী আইন সন্দৰ্ভত গুৰুত্বপূৰ্ণ মন্তব্য গৃহমন্ত্ৰী অমিত শ্বাহৰ ৷ ‘সংশোধিত নাগৰিকত্ব আইন সন্দৰ্ভত আগৰ স্থিতিত আমি অটল, কেনেও আমাক এক ইঞ্চিও বিচলিত কৰিব নোৱাৰে’ এইদৰে আকৌ এবাৰ নিজৰ স্থিতি স্পষ্ট কৰিলে অমিত শ্বাহে ৷

শুকুৰবাৰে ৰাজস্থানৰ যোধপুৰত এক জনসভাত অংশগ্ৰহণ কৰি বিজেপিয়ে নাগৰিকত্ব সংশোধনী আইন সন্দৰ্ভত এক ইঞ্চিও পিছুৱাই নাযায় বুলি উল্লেখ কৰে ৷ লগতে কয় যে বিৰোধীয়ে বিপথে পৰিচালনা কৰাৰ চেষ্টা কৰিছে ৷ সকলো বিৰোধী লগ হ’লেও আমি কোনো কাৰণতে নিজৰ স্থিতি সলনি নকৰো বুলি স্পষ্ট কৰে দেশৰ গৃহমন্ত্ৰীগৰাকীয়ে ৷

আনহাতে, অমিত শ্বাহে কংগ্ৰেছ দল তথা ৰাহুল গান্ধীক তীব্ৰ কটাক্ষ কৰি কয় যে তেওঁ চাগে এতিয়ালৈ এই আইনখন পঢ়া নাই ৷ তেওঁক ইটালিয়ান ভাষাত অনুবাদ কৰাৰ ব্যৱস্থা কৰি দিয়া হ’ব তাৰ পিচত মুকলি বিতৰ্কত অংশগ্ৰহণ কৰক ৷

আৰু পঢ়কঃ "কা" ৰ সমৰ্থনত প্ৰচাৰঃ দিল্লীয়ে ১১ ৰাজ্যৰ দায়িত্ব দিলে হিমন্তক