নিউজ ডেস্ক, ১০ জুনঃ মণিপুৰত বিজেপি-কংগ্ৰেছৰ মাজত আৰম্ভ হৈছে নিৰ্বাচনী যুঁজ । আগন্তুক ১৯ জুনত অনুষ্ঠিত হ'ব লগা মণিপুৰৰ একমাত্ৰ ৰাজ্যসভা আসনখনৰ বাবে নিৰ্বাচনী যুঁজ আৰম্ভ হৈছে বিজেপি-কংগ্ৰেছৰ মাজত ।
বিগত ২৬ মাৰ্চত ৰাজ্যসভা আসনখনৰ বাবে ভোটদান কাৰ্যসূচী আৰম্ভ হোৱাৰ কথা আছিল যদিও মহামাৰী COVID-19 প্ৰতিৰোধৰ বাবেই নিৰ্বাচন স্থগিত ৰখা হয় ।
আনহাতে, ১৯ জুনত অনুষ্ঠিত হ'বলগীয়া নিৰ্বাচনত কংগ্ৰেছ-বিজেপি বাদে বৰ্তমান পৰ্যন্ত কোনো দলৰ প্ৰাৰ্থীয়ে মনোনয়পত্ৰ দাখিল নকৰা বুলি মঙলবাৰে সদৰি কৰে নিৰ্বাচন আয়োগে ।
বিশেষ সূত্ৰৰ খবৰ অনুসৰি, মণিপুৰৰ টিটলালাৰ ৰাজা লেইছেম্বা ছানাজোবাতে বিজেপিৰ পৰা প্ৰাৰ্থীত্ব আগবঢ়োৱাৰ বিপৰীতে টি মাংগি বাবুয়ে কংগ্ৰেছৰ পৰা প্ৰাৰ্থীত্ব আগবঢ়াই ।
আনহাতে, নাগা পিপলছ ফ্ৰণ্টৰ প্ৰাৰ্থী এইছ কাশুঙে ১৪ মাৰ্চত ৰাজ্যসভাৰ পদৰ বাবে প্ৰাৰ্থীত্ব আগবঢ়াই যদিও পিছত প্ৰাৰ্থী গৰকীয়ে মনোনয়ন পত্ৰ প্ৰত্যাহাৰ কৰে ।
