গাড়ী কভাৰেৰে তৈয়াৰ কৰিলে কৰ'ণা প্ৰটেকচন কীট্ !

যি সময়ত কৰ'ণা ভাইৰাছ তথা কৰ'ণা কীট্ ৰ বাবে সংগ্ৰাম কৰিবলগীয়া হৈছে সেই সময়তে বিহাৰত এগৰাকী চিকিৎসকে গাড়ী কভাৰেৰে প্ৰস্তুত কৰি উলিয়ালে কৰ'ণা কীট্ ।

নিউজ ডেস্ক, ৪ এপ্ৰিলঃ অভাৱেই আৱিষ্কাৰৰ মূল । এই কথা সঁচা প্ৰতিপন্ন কৰি তুলিছে বিহাৰৰ এগৰাকী চিকিৎসকে । যি সময়ত দেশত কৰ'ণা ভাইৰাছৰ প্ৰটেকচন কীট্ চিকিৎসক, নাৰ্ছ, তথা চিকিৎসা কৰ্মীক যোগান ধৰিবলৈ চৰকাৰে সংগ্ৰাম কৰিবলগীয়া হৈছে সেই সময়তে বিহাৰৰ ভাগলপুৰ জৱাহৰলাল নেহৰু মেডিকেল কলেজৰ স্ত্ৰী-ৰোগ বিভাগৰ চিকিৎসক গীতা ৰানীয়ে গাড়ী ঢকা কভাৰেৰে সাজি উলিয়াইছে প্ৰটেকচন কীট ।

মহিলা চিকিৎসকে গাড়ী কভাৰেৰে প্ৰস্তুত কৰি উলিয়ালে কৰ'ণা কীট্

চিকিৎসকগৰাকীয়ে এই সন্দৰ্ভত কয়, YouTube ত এটা ভিডিঅ' দৰ্জীক দেখুৱাৰ পাচতেই এই কীটটো তৈয়াৰ কৰা উলিওৱা হৈছে । কৰ'ণা ভাইৰাছ প্ৰতিহত কৰাৰ বাবে এইটো সম্পূৰ্ণ উপযোগী । আনকি ধুই পুনৰ ব্যৱহাৰো কৰিব পৰা যায় । ৰোগীক চোৱা আমাৰ সামাজিক দায়িত্ব আছে । ৰানীয়ে মুখ্যমন্ত্ৰী নীতিশ কুমাৰ, কেন্দ্ৰীয় স্বাস্থ্য় মন্ত্ৰীকো এই স্ব-নিৰ্মিত কীট্ টোৰ বিষয়ে অৱগত কৰে । স্বাস্থ্য় মন্ত্ৰীয়ে এই কাৰ্যৰ শলাগ লয় ।