জম্মু কাশ্মীৰ, 13 জুলাই : জম্মু কাশ্মীৰৰ বান্দিপুৰা আৰক্ষীয়ে সোমবাৰে চাৰিটা সন্ত্ৰাসবাদীক আটক কৰে ৷ বান্দিপুৰা আৰক্ষীয়ে নিৰাপত্তাৰক্ষীৰ লগত যুটীয়াভাবে অভিযান চলাই হাজিনৰ চদনগীৰ আৰু সাধুনাৰা অঞ্চলৰ পৰা আটক কৰে সন্ত্ৰাসবাদীকেইটা ৷ সন্ত্ৰাসবাদীৰ দলটোৰ পৰা আৰক্ষী সেনাৰ দলে 2 টা গ্ৰেনেড, একে মেগজিন, 25 জাই একে সজীৱ গুলীৰ লগতে বহু আপত্তিজনক সামগ্ৰী জব্দ কৰে ৷
বান্দীপুৰা আৰক্ষীয়ে ঘটনাৰ সন্দৰ্ভত গোচৰ ৰুজু কৰিছে ৷ বৰ্তমানলৈ জানিব পৰা হোৱা নাই সন্ত্ৰাসবাদীকেইটা কোন সংগঠনৰ লগত জড়িত ৷ ঘটনাৰ সন্দৰ্ভত আৰক্ষীয়ে তদন্ত আৰম্ভ কৰিছে ৷ আনহাতে জম্মু কাশ্মীৰৰ অনন্তনগৰ ছিগুফৱাৰাতো আজি পুৱাৰে পৰা নিৰাপত্তাৰক্ষী আৰু সন্ত্ৰাসবাদীৰ মাজত সংঘৰ্ষ আৰম্ভ হৈছে ৷
লগতে পঢ়ক : কোভিড 19ত মৃত্যু হিন্দু সংহতিৰ প্ৰতিস্থাপক তপন ঘোষৰ
