তেজপুৰ, 1 জুলাই : পশ্চিম অৰুণাচলৰ বিধায়ক ফুৰফা চেৰিঙৰ সমষ্টিৰ অন্তৰ্গত লোকসকলৰ বাবে এক ৰাজহুৱা পদক্ষেপ গ্ৰহণ কৰে । বিধায়কজনে লকডাউনৰ বাবে দৈনিক কাম কৰি জীৱিকা নিৰ্বাহ কৰা লোকসকলৰ বাবে খাদ্যৰ যোগান ধৰে ।
ডিৰাং সমষ্টিৰ বিধায়ক ফুৰফা চেৰিঙে বৰ্ডাৰ ৰোডছ অৰ্গেনাইজেচনৰ দৈনিক মজুৰি কৰা লোক আৰু গাঁওবাসীৰ মাজত সপ্তাহত দুদিন খাদ্যৰ যোগান ধৰি আহিছে । লকডাউন আৰম্ভ হোৱাৰ পিচৰে পৰাই তেওঁ এই কাম কৰি আহিছে ৷
চেলাপাছৰ সমীপৱৰ্তী সামৰিক আৰু অৰ্ধসামৰিক বাহিনীৰ বাবে অতিকে গুৰুত্বপূৰ্ণ ডিৰাং হৈছে অৰুণাচল প্ৰদেশৰ এখন ওখ পাহাৰীয়া ঠাই । প্ৰায় 150 জন লোক আৰু শিশুৰ মাজত এইদৰে খাদ্য প্ৰস্তুত কৰি বিতৰণ কৰি আহিছে স্থানীয় বিধায়কগৰাকীয়ে । আনহাতে দৈনিক মজুৰি কৰা লোকসকলকো ৰেচনৰ সামগ্ৰী যোগান ধৰিছে এইগৰাকী বিধায়কে ।
জিলাখনৰ এগৰাকী সমাজ কৰ্মী লাৱাং লবচঙে জনায় যে, ডিৰাঙত বৌদ্ধধৰ্মৰ গুমফাসমূহৰ অহা যোৱা পথসমূহত এইদৰেই ছেনিটাইজাৰ আৰু কোৱাৰেণ্টাইন কৰি প্ৰতিষেধক প্ৰদান কৰাটো বিধায়কগৰাকীয়ে সহায় কৰি আহিছে ।
লগতে পঢ়কঃ উড়ান 4.0 : 24 টা বিমানবন্দৰত এতিয়াও বিমানৰ চলাচল হ'বলৈ বাকী
