নেশ্বনেল ডেস্ক, 23 আগষ্ট : জম্মু - কাশ্মীৰৰ ৰাজৌৰী জিলাত শুকুৰবাৰে পাকিস্তানী সেনাৰ গুলীবৰ্ষণত এজন ভাৰতীয় জোৱানৰ মৃত্যু হৈছে ৷ নাওছেৰা ছেক্টৰৰ কালছিয়া গাঁৱৰ সীমান্তত জোৱানজনে পহৰা দি থাঁকোতে এই ঘটনা সংঘটিত হয় ৷ ভাৰতীয় সৈন্য বাহিনীয়েও ইয়াৰ উচিত প্ৰত্যুত্তৰ দিয়ে যদিও পাকিস্তানী সেনাৰ কিমান হতাহত হৈছে এই সম্পৰ্কত কোনো তথ্য লাভ কৰা নাই ৷
আনহাতে, আঘাতপ্ৰাপ্ত জোৱানজনক সামৰিক চিকিৎসালয়লৈ প্ৰেৰণ কৰা হয় যদিও তেওঁৰ মৃত্যু হয় ৷ উল্লেখ্য যে, আগষ্টৰ 17 তাৰিখৰ পৰা 23 তাৰিখলৈ ভাৰতীয় সৈন্যবাহিনীক চতুৰ্থবাৰৰ বাবে আক্ৰমণ চলাইছে পাকিস্তানী সেনাই ৷ এইবছৰৰ জুলাই মাহত জম্মু - কাশ্মীৰৰ নিয়ন্ত্ৰণ ৰেখাত সৰ্বাধিক যুদ্ধবিৰতি উলংঘা কৰিছে পাকিস্তানী সেনাই ৷
