নেশ্বনেল ডেক্স,19 মাৰ্চঃ দিল্লীৰ পাটিয়ালা হাউচ আদালতে বৃহস্পতিবাৰে নিৰ্ভয়া কাণ্ডৰ তিনি দোষীয়ে ফাঁচি স্থগিত ৰখাৰ বাবে কৰা আবেদন খাৰিজ কৰাৰ পিছতেই প্ৰতিক্ৰিয়া প্ৰকাশ কৰে নিৰ্ভয়াৰ মাতৃয়ে ৷ তেখেতে কয় যে, অবশেষত সাত বছৰৰ অন্তত তেখেতৰ জীয়ৰীৰ আত্মাই শান্তি লাভ কৰিব ৷ "অবশেষত দোষীয়ে উচিত শাস্তি লাভ কৰিব ৷ এতিয়াহে মই শান্তি লাভ কৰিম" নিৰ্ভয়াৰ মাতৃয়ে কয় ৷
বৃহস্পতিবাৰে দিল্লীৰ পাটিয়ালা হাউচ আদালতে নিৰ্ভয়া কাণ্ডৰ চাৰিজন অভিযুক্তৰ ভিতৰত তিনিজনে ফাঁচি স্থগিত ৰখাৰ বাবে কৰা আবেদন খাৰিজ কৰে ৷ উল্লেখ্য যে, শুকুৰবাৰে 5.30 বজাত ফাঁচি দিয়া হ’ব নিৰ্ভয়া কাণ্ডৰ আটাইকেইজন অভিযুক্তক ৷
